Doctors ಭೇಟಿ ಬಿಟ್ಟು ವಾಂಖೇಡೆಗೆ ಬಂದ ರೋಹಿತ್‌ ತಾಯಿ; Video Viral

ಮುಂಬಯಿ: ಈ ಪ್ರಪಂಚದಲ್ಲೀಗ ಅತ್ಯಂತ ಖುಷಿಯಲ್ಲಿರುವ, ಅತ್ಯಂತ ಸಂತುಷ್ಟರಾಗಿರುವ ತಾಯಿಯೆಂದರೆ ಪೂರ್ಣಿಮಾ ಶರ್ಮ. ಇವರು ಟಿ20 ವಿಶ್ವಕಪ್‌ ವಿಜೇತ ಭಾರತ ತಂಡದ ನಾಯಕ ರೋಹಿತ್‌ ಶರ್ಮ ಅವರ ತಾಯಿ. ಗುರುವಾರ ವೈದ್ಯರ ಅಪಾಯಿಂಟ್‌ಮೆಂಟ್‌ ಇದ್ದರೂ ಇದನ್ನು ಬಿಟ್ಟು ಈ ಚಾರಿತ್ರಿಕ ಕ್ಷಣವನ್ನು ಕಣ್ತುಂಬಿಸಿಕೊಳ್ಳಲು ವಾಂಖೇಡೆ ಸ್ಟೇಡಿಯಂಗೆ ಆಗಮಿಸಿದ್ದರು. ಜತೆಗೆ ರೋಹಿತ್‌ ಅವರ ತಂದೆ ಗುರುನಾಥ್‌ ಶರ್ಮ ಕೂಡ ಇದ್ದರು.

ಈ ಸಂದರ್ಭದಲ್ಲಿ ರೋಹಿತ್‌ ಅವರನ್ನು ಅಪ್ಪಿಕೊಂಡ ತಾಯಿ, ಟಿ20 ವಿಶ್ವಕಪ್‌ಗ್ೂ ಹಿಂದಿನ ಘಟನೆಯೊಂದನ್ನು ನೆನಪಿಸಿಕೊಂಡರು. “ನಾನು ಇಂಥದೊಂದು ದಿನವನ್ನು ಕಾಣಲಿದ್ದೇನೆ ಎಂದು ಭಾವಿಸಿಯೇ ಇರಲಿಲ್ಲ. ವಿಶ್ವಕಪ್‌ಗೆ ಹೊರಡುವ ಮುನ್ನ ನನ್ನಲ್ಲಿ ಬಂದ ರೋಹಿತ್‌, ಈ ಟೂರ್ನಿಯ ಬಳಿಕ ಟಿ20 ಕ್ರಿಕೆಟಿಗೆ ನಾನು ವಿದಾಯ ಹೇಳಬಯಸಿದ್ದೇನೆ ಎಂದ. ಅದಕ್ಕೆ ನಾನು, ಮೊದಲು ಕಪ್‌ ಗೆಲ್ಲಲು ಪ್ರಯತ್ನಿಸಿ ಎಂದಿದ್ದೆ. ಅದೀಗ ಸಾಕಾರಗೊಂಡಿದೆ. ನನಗಿಂದು ವೈದ್ಯರ ಅಪಾಯಿಂಟ್‌ಮೆಂಟ್‌ ಇದ್ದರೂ ಈ ಸಂಭ್ರಮವನ್ನು ಕಾಣಲು ಬಂದಿದ್ದೇನೆ’ ಎಂದರು.