ರಾಯ್ಪುರ: ಶ್ರೀಲಂಕಾ ವಿರುದ್ಧದ ಮೊದಲ ಪಂದ್ಯದ ಬಳಿಕ ಬೆನ್ನುನೋವಿನ ಕಾರಣದಿಂದ ಪಂದ್ಯಗಳನ್ನು ತಪ್ಪಿಸಿಕೊಂಡಿರುವ ಸ್ಪಿನ್ನರ್ ಯುಜುವೇಂದ್ರ ಚಾಹಲ್ ಅವರು ಇದೀಗ ತಮ್ಮ ಚಾಹಲ್ ಟಿವಿ ಮೂಲಕ ಸುದ್ದಿಯಾಗಿದ್ದಾರೆ. ಕಿವೀಸ್ ವಿರುದ್ಧದ ಎರಡನೇ ಏಕದಿನ ಪಂದ್ಯಕ್ಕೂ ಮುನ್ನ ರಾಯ್ಪುರದಲ್ಲಿ ಚಾಹಲ್ ಅವರು ಡ್ರೆಸ್ಸಿಂಗ್ ರೂಂ ಟೂರ್ ಮಾಡಿಸಿದ್ದಾರೆ.
ರಾಯ್ಪುರದ ಶಹೀದ್ ವೀರನಾರಾಯಣ ಸಿಂಗ್ ಕ್ರಿಕೆಟ್ ಮೈದಾನದಲ್ಲಿ ಇದೇ ಮೊದಲ ಬಾರಿಗೆ ಅಂತಾರಾಷ್ಟ್ರೀಯ ಪಂದ್ಯ ನಡೆಯುತ್ತಿದೆ. ಇದುವರೆಗೆ ಐಪಿಎಲ್ ಮತ್ತು ರೋಡ್ ಸೇಫ್ಟಿ ಪಂದ್ಯಗಳಿಗೆ ಆತಿಥ್ಯ ವಹಿಸಿದ್ದ ರಾಯ್ಪುರ ಮೊದಲ ಬಾರಿಗೆ ಅಂತಾರಾಷ್ಟ್ರೀಯ ಪಂದ್ಯಕ್ಕೆ ಆತಿಥ್ಯ ವಹಿಸುತ್ತಿದೆ.
ಇದನ್ನೂ ಓದಿ:ಅಮಲೇರುವ ಮಾತ್ರೆ ಸೇವಿಸಿ ನಿದ್ರೆ ಮಾಡದೇ ಇರಬೇಕು.. ಅಪಾಯಕಾರಿ ಟಿಕ್‌ ಟಾಕ್‌ ಚಾಲೇಂಜ್‌ ವೈರಲ್
ತಮ್ಮ ವಿಡಿಯೋದಲ್ಲಿ ಚಾಹಲ್ ಡ್ರೆಸ್ಸಿಂಗ್ ರೂಂ ಗೆ ಒಂದು ಸುತ್ತು ಹಾಕಿದರು. ಆಟಗಾರರ ಡ್ರೆಸ್ಸಿಂಗ್ ರೂಂ ಯಾವ ರೀತಿ ಇರುತ್ತದೆ ಎನ್ನುವ ಕುರಿತು ಚಾಹಲ್ ವಿವರಣೆ ನೀಡಿದರು. ಈ ವೇಳೆ ಬಂದ ರೋಹಿತ್, ‘ನಿನಗೆ ಇದರಲ್ಲೇ ಉತ್ತಮ ಭವಿಷ್ಯವಿದೆ’ ಎಂದು ಕಾಲೆಳೆದರು.
ಲಂಕಾ ವಿರುದ್ಧದ ಸರಣಿಯಲ್ಲಿ ಬೆನ್ನು ನೋವಿನ ಕಾರಣದಿಂದ ಚಾಹಲ್ ಹೊರಗುಳಿದಿದ್ದರು. ಈ ವೇಳೆ ಅವಕಾಶ ಪಡೆದ ಕುಲದೀಪ್ ಯಾದವ್ ಉತ್ತಮ ಬೌಲಿಂಗ್ ಪ್ರದರ್ಶನ ನೀಡುತ್ತಿದ್ದಾರೆ.
