Advertisement
ಮೊದಲ ಇನ್ನಿಂಗ್ಸ್‌ನಲ್ಲಿ ಮೊಹಮ್ಮದ್‌ ಸಿರಾಜ್‌ 5 ವಿಕೆಟ್‌ ಉರುಳಿಸಿ ಜೀವನಶ್ರೇಷ್ಠ ಬೌಲಿಂಗ್‌ ಪ್ರದರ್ಶಿಸಿದ್ದರು. ಈ ಸಾಧನೆಗಾಗಿ ಅವರಿಗೆ ಪಂದ್ಯಶ್ರೇಷ್ಠ ಪ್ರಶಸ್ತಿ ಒಲಿದಿತ್ತು.“ಸಿರಾಜ್‌ ಅವರನ್ನು ನಾನು ತೀರಾ ಹತ್ತಿರದಿಂದ ಗಮನಿಸುತ್ತ ಬಂದಿದ್ದೇನೆ. ಅವರದೊಂದು ದೈತ್ಯ ಹೆಜ್ಜೆ ಎಂದೇ ಹೇಳಬೇಕು. ಪ್ರಧಾನ ವೇಗಿಗಳ ಗೈರಲ್ಲಿ ಸಿರಾಜ್‌ ಬೌಲಿಂಗ್‌ ಆಕ್ರಮಣದ ಜವಾಬ್ದಾರಿ ಹೊತ್ತರು ಮತ್ತು ಇದನ್ನು ಯಶಸ್ವಿಯಾಗಿ ನಿಭಾಯಿಸಿದರು. ಆದರೆ ಬೌಲಿಂಗ್‌ ವಿಭಾಗವನ್ನು ಒಬ್ಬರೇ ಮುನ್ನಡೆಸುವುದನ್ನು ನಾನು ಬಯಸುವುದಿಲ್ಲ. ಇದು ಎಲ್ಲರ ಜವಾಬ್ದಾರಿ ಎಂಬುದು ಹೆಚ್ಚು ಸೂಕ್ತ. ಚೆಂಡು ಕೈಗೆ ಸಿಕ್ಕಿದ ಕೂಡಲೇ ಎಲ್ಲರೂ ಲೀಡರ್‌ಗಳೇ. ಇಡೀ ಪೇಸ್‌ ಬ್ಯಾಟರಿ ಇದರ ಜವಾಬ್ದಾರಿ ಹೊರಬೇಕು’ ಎಂಬುದಾಗಿ ರೋಹಿತ್‌ ಹೇಳಿದರು.