ಚೀನ ಓಪನ್‌ ಟೆನಿಸ್‌: ಬೋಪಣ್ಣ ಜೋಡಿಗೆ ಸೋಲು

ಬೀಜಿಂಗ್‌: ಭಾರತದ ರೋಹನ್‌ ಬೋಪಣ್ಣ ಮತ್ತು ಆರ್ಜೆಂಟೀನಾದ ಪ್ಯಾಬ್ಲೊ ಕ್ಯೂವಾಸ್‌ ಜೋಡಿ ಚಿಇನ ಓಪನ್‌ ಪುರುಷರ ಡಬಲ್ಸ್‌ನಲ್ಲಿ ಸೋಲು ಅನುಭವಿಸಿ ಹೊರಬಿದ್ದಿದ್ದಾರೆ.

ರೋಹನ್‌ ಬೋಪಣ್ಣ ಜೋಡಿ 5-7, 6-7(6-8) ಅಂತರದಿಂದ ಆಸ್ಟ್ರೇಲಿಯದ ಜಾನ್‌ ಪೀರ್ ಮತ್ತು ಫಿನ್ಲಂಡಿನ ಹೆನ್ರಿ ಕೊಂಟಿನೆನ್‌ ವಿರುದ್ಧ ಸೋತಿತು. 

ಸೋತರೂ ಬೋಪಣ್ಣ- ಕ್ಯೂವಾಸ್‌ ಭರ್ಜರಿ ಆಟದ ಮೂಲಕ ಗಮನ ಸೆಳೆದರು. ಎರಡೂ ಸೆಟ್‌ಗಳಲ್ಲಿ ಇವರಿಗೆ ಗೆಲುವಿನ ಅವಕಾಶ ಇತ್ತು. ಆದರೆ ಇಬ್ಬರೂ ಕೆಲವು ಅನಗತ್ಯ ತಪ್ಪುಗಳನ್ನೆಸಗಿ ಪಂದ್ಯವನ್ನು ಅಲ್ಪ ಅಂತರದಲ್ಲಿ ಕಳೆದುಕೊಂಡರು.