Advertisement
ಹಾಲಿ ಯುಎಸ್‌ ಓಪನ್‌ ಚಾಂಪಿಯನ್‌ ಆಗಿದ್ದ ಸ್ಟೀಫ‌ನ್ಸ್‌ ಅವರನ್ನು ರೋಲ್ಯಾಂಡ್‌ ಗ್ಯಾರೋಸ್‌ನಲ್ಲಿ ಉರುಳಿಸಿದ್ದ ರುಮಾ ನಿಯಾದ ಹಾಲೆಪ್‌ ಚೊಚ್ಚಲ ಗ್ರ್ಯಾನ್‌ ಸ್ಲಾಮ್‌ (ಫ್ರೆಂಚ್‌ ಓಪನ್‌) ಕೂಟದ ಪ್ರಶಸ್ತಿ ಗೆದ್ದ ಸಾಧನೆ ಮಾಡಿದ್ದರು. ಇದೀಗ ಸೇಡು ತೀರಿಸಿಕೊಳ್ಳುವ ಅವಕಾಶ ಸ್ಟೀಫ‌ನ್ಸ್‌ ಅವರಿಗೆ ಲಭಿಸಿದೆ.
ಹಾಲೆಪ್‌ ಮತ್ತು ಸ್ಟೀಫ‌ನ್ಸ್‌ ಈ ಹಿಂದೆ 8 ಬಾರಿ ಮುಖಾಮುಖೀ ಯಾಗಿದ್ದು ಹಾಲೆಪ್‌ 6 ಗೆಲುವು 2 ಸೋಲಿನ ದಾಖಲೆ ಹೊಂದಿದ್ದಾರೆ. ಹಾಲೆಪ್‌ ಕಳೆದ 5 ಪಂದ್ಯಗಳ‌ಲ್ಲಿ ಸ್ಟೀಫ‌ನ್ಸ್‌ ವಿರುದ್ಧ ಜಯ ಸಾಧಿಸಿ ಗೆಲುವಿನ ವಿಶ್ವಾಸ ಮೂಡಿಸಿ ದ್ದಾರೆ. ಅವರಿಬ್ಬರು ರಕ್ಷಣಾತ್ಮಕ ಮತ್ತು ವೇಗದ ಆಟಕ್ಕೆ ಹೆಸರುವಾಸಿಯಾಗಿದ್ದಾರೆ. ಈ ಹಿಂದಿನ ಪಂದ್ಯದಲ್ಲಿ ನಾನು ಗೆಲುವಿನ ಸನಿಹಕ್ಕೆ ಬಂದಿದ್ದೆ. ಹಾಗಾಗಿ ಈ ಬಾರಿ ಗೆಲುವಿಗಾಗಿ ಶಕ್ತಿಮೀರಿ ಪ್ರಯತ್ನಿಸಲಿದ್ದೇನೆ ಎಂದು ಸ್ಟೀಫ‌ನ್ಸ್‌ ಹೇಳಿದ್ದಾರೆ.