ರಾಬರ್ಟ್‌ ವಾದ್ರಾ ರಾಜಕೀಯಕ್ಕೆ?

ಹೊಸದಿಲ್ಲಿ: “ನನ್ನ ವಿರುದ್ಧದ ಕೇಸುಗಳೆಲ್ಲ ಮುಗಿದ ಮೇಲೆ ನಾನು ದೇಶದ ಜನರ ಸೇವೆಗೈಯ್ಯುವಲ್ಲಿ ದೊಡ್ಡ ಪಾತ್ರ ವಹಿಸ ಲೂಬಹುದು’ ಎಂದು ರಾಬರ್ಟ್‌ ವಾದ್ರಾ ಅವರು ಭಾನುವಾರ ಟ್ವೀಟ್‌ ಮಾಡಿದ್ದಾರೆ. 

ಈ ಮೂಲಕ ಪತ್ನಿ ಪ್ರಿಯಾಂಕಾ ವಾದ್ರಾರ ಬಳಿಕ ತಾವು ಕೂಡ ಸಕ್ರಿಯ ರಾಜಕಾರಣಕ್ಕೆ ಧುಮುಕುವ ಸುಳಿವು ನೀಡಿದ್ದಾರೆ. ವಾದ್ರಾ ಅವರ ಈ ಟ್ವೀಟ್‌ಗೆ ಪ್ರತಿಕ್ರಿಯಿಸುತ್ತಾ ಕಾಂಗ್ರೆಸ್‌ನ ಕಾಲೆಳೆದಿರುವ ಬಿಜೆಪಿ, “ಲೋಕಸಭೆ ಚುನಾವಣೆಗೆ ವಾದ್ರಾ ಅವರೇ ಕಾಂಗ್ರೆಸ್‌ನ ಪ್ರಧಾನಿ ಅಭ್ಯರ್ಥಿ’ ಎಂದು ಟ್ವೀಟ್‌ ಮಾಡಿದೆ. 

ಇದೇ ವೇಳೆ, ವಾದ್ರಾ ರಾಜಕೀಯ ಪ್ರವೇಶಿಸುತ್ತಾರೆ ಎಂಬ ಸುದ್ದಿಯನ್ನು ಕಾಂಗ್ರೆಸ್‌ ಅಲ್ಲಗಳೆದಿದೆ. ವಾದ್ರಾ ಅವರು ಹಲವು ಎನ್‌ಜಿಒಗಳ ಜೊತೆಗೆ ಕೆಲಸ ಮಾಡುತ್ತಿದ್ದು, ಸಮಾಜಕ್ಕಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಜನರ ಸೇವೆ ಮಾಡುವಂಥ ಸಾಮರ್ಥ್ಯ ವನ್ನು ಬಳಸುವುದು ಪ್ರತಿಯೊಬ್ಬರ ಕರ್ತವ್ಯವೂ ಹೌದು ಎಂದಿದೆ.