ರಸ್ತೆ ಹೊಂಡ :ಎನ್‌ಸಿಪಿಯ ಡಾ|ಹರೀಶ್‌ ಶೆಟ್ಟಿ ನೇತೃತ್ವದಲ್ಲಿ ಆಂದೋಲನ

ಮುಂಬಯಿ: ಉತ್ತರ ಮುಂಬಯಿ ದಹಿಸರ್‌ ತಾಲೂಕು ಪ್ರದೇಶದ ರಸ್ತೆಗಳಲ್ಲಿ ವಿಪರೀತ ಹೊಂಡಗಳಿದ್ದ ಪರಿಣಾಮವಾಗಿ ವಾಹನ ಚಾಲಕರಿಗೆ ಹಾಗೂ ನಾಗರಿಕರಿಗೆ ಆಗುತ್ತಿರುವ ಸಮಸ್ಯೆಗಳ ವಿರುದ್ಧ ದಹಿಸರ್‌ ವಿಧಾನ ಸಭಾ ಕ್ಷೇತ್ರದ ರಾಷ್ಟ್ರವಾದಿ ಕಾಂಗ್ರೆಸ್‌ನ ಅಧ್ಯಕ್ಷ ಡಾ| ಹರೀಶ್‌ ಶೆಟ್ಟಿ ಅವರ ನೇತೃತ್ವದಲ್ಲಿ ಕಾರ್ಯಕರ್ತರು ಇತ್ತೀಚೆಗೆ ಆಂದೋಲನ ನಡೆಸಿದರು.

ಅನಂತರ ಜಿಲ್ಲಾಧ್ಯಕ್ಷ ಇಂದ್ರಪಾಲ ಸಿಂಗ್‌, ಅಲ್ಪಸಂಖ್ಯಾಕ ಜಿಲ್ಲಾಧ್ಯಕ್ಷ, ಕಾರ್ಯಕರ್ತರ ನೇತೃತ್ವದಲ್ಲಿ ಉತ್ತರ ಮಂಬಯಿ ಬೊರಿವಲಿ ಮಹಾನಗರ ಪಾಲಿಕೆಯ ಆಯುಕ್ತ ಅಜಿತ್‌ ರಾವ್‌ ಅವರಿಗೆ ರಸ್ತೆಗಳಲ್ಲಿನ ಹೊಂಡಗಳನ್ನು ಶೀಘ್ರದಲ್ಲೇ ಮುಚ್ಚುವಂತೆ ಮನವಿಯನ್ನು ಸಲ್ಲಿಸಲಾಯಿತು. ಈ ಸಂದರ್ಭದಲ್ಲಿ ಕಾರ್ಯಕರ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಂಡಿದ್ದರು.