ಪಂತ್‌ ಬ್ಯಾಟಿಂಗ್‌ ಸುಧಾರಿಸಬೇಕು: ಸೆಹವಾಗ್‌

ಹೊಸದಿಲ್ಲಿ: ಭಾರತದ ಯುವ ಆಟಗಾರ ರಿಷಭ್‌ ಪಂತ್‌ ತಮ್ಮ ಬ್ಯಾಟಿಂಗ್‌ ಕಡೆ ಹೆಚ್ಚಿನ ನಿಗಾ ವಹಿಸಬೇಕು ಎಂದು ಮಾಜಿ ಆಟಗಾರ ವಿರೇಂದ್ರ ಸೆಹವಾಗ್‌ ಅಭಿಪ್ರಾಯಪಟ್ಟಿದ್ದಾರೆ.

ಪಂತ್‌ ತಮ್ಮ ಬ್ಯಾಟಿಂಗ್‌ ಶೈಲಿಯಲ್ಲಿ ಕೊಂಚ ಬದಲಾವಣೆ ಮಾಡಬೇಕು. ಬಲವಾದ ಹೊಡೆತಗಳ ಜತೆಗೆ ತಾಳ್ಮೆಯುತ ಆಟವನ್ನೂ ಆಡಬೇಕಿದೆ. ಹಾಗೆಯೇ ಟೀಮ್‌ ಮ್ಯಾನೆಜ್‌ಮೆಂಟ್‌ ಅವರ ಮೇಲೆ ಇರಿಸಿದ ವಿಶ್ವಾಸಕ್ಕೆ ನ್ಯಾಯ ಒದಗಿಸುವುದು ಕೂಡ ಪಂತ್‌ ಕರ್ತವ್ಯವಾಗಿದೆ ಎಂದು ಸೆಹವಾಗ್‌ ಸಲಹೆ ನೀಡಿದ್ದಾರೆ.

ವಿಂಡೀಸ್‌ ವಿರುದ್ಧದ ಮೊದಲ ಟೆಸ್ಟ್‌ ಪಂದ್ಯದಲ್ಲಿ ನಿರೀಕ್ಷಿತ ಪ್ರದರ್ಶನ ತೋರುವಲ್ಲಿ ಪಂತ್‌ ವಿಫ‌ಲರಾಗಿದ್ದರು.