ರಿಷಭ್‌ ಪಂತ್‌ 6 ತಿಂಗಳು ಕ್ರಿಕೆಟ್‌ನಿಂದ ದೂರ !

ಮುಂಬಯಿ: ರಿಷಭ್‌ ಪಂತ್‌ ಡಿ. 30ರಂದು ಮುಂಜಾನೆ ಭೀಕರ ಕಾರು ಅಪಘಾತಕ್ಕೆ ತುತ್ತಾಗಿದ್ದು ನಿಮಗೆ ಗೊತ್ತೇ ಇದೆ. ಸದ್ಯ ಮುಂಬಯಿಯ ಕೋಕಿಲಾಬೆನ್‌ ಧೀರೂಭಾಯಿ ಅಂಬಾನಿ ಆಸ್ಪತ್ರೆಯಲ್ಲಿರುವ ಅವರ ಸ್ಥಿತಿಯ ಬಗ್ಗೆ ಒಂದು ಅಂದಾಜು ಸಿಕ್ಕಿದೆ. ಮೂಲಗಳ ಪ್ರಕಾರ ರಿಷಭ್‌ ಮಂಡಿರಜ್ಜುವಿನಲ್ಲಾಗಿರುವ ಹರಿತ, ಕಳೆದ ವರ್ಷ ರವೀಂದ್ರ ಜಡೇಜ ಅನುಭವಿಸಿದ್ದಕ್ಕೆ ಸರಿಸಮವಾಗಿದೆ.

ಹೀಗಾಗಿ ಮುಂದಿನ ಆರು ತಿಂಗಳು ಕ್ರಿಕೆಟ್‌ನಿಂದ ದೂರವುಳಿಯಬೇಕಾಗುತ್ತದೆ. ಆದರೆ ಈ ಬಗ್ಗೆ ಬಿಸಿಸಿಐ ಅಧಿಕೃತವಾಗಿ ಏನನ್ನೂ ಹೇಳಿಲ್ಲ.

ಕಳೆದ ವರ್ಷ ಜಡೇಜ ಇಂತಹದ್ದೇ ಪರಿಸ್ಥಿತಿ ಎದುರಿಸಿದ್ದರು. ಆಗವರು ಏಷ್ಯಾ ಕಪ್‌ ಟಿ20, ವಿಶ್ವಕಪ್‌ ಟಿ20ಯಿಂದ ಹೊರಬಿದ್ದಿದ್ದರು.

ಇನ್ನೂ ಕ್ರಿಕೆಟ್‌ ಅಂಕಣಕ್ಕೆ ಇಳಿದಿಲ್ಲ. ಇದೇ ಪರಿಸ್ಥಿತಿಯನ್ನು ಕೈಯಾರೆ ರಿಷಭ್‌ ಪಂತ್‌ ತಂದುಕೊಂಡಿದ್ದಾರೆ. ಸದ್ಯದ ಪರಿಸ್ಥಿತಿಯಲ್ಲಿ ಅವರು ಐಪಿಎಲ್‌, ಆಸ್ಟ್ರೇಲಿಯ ಪ್ರವಾಸದಿಂದ ಹೊರಬಿದ್ದಿದ್ದಾರೆ. ಇನ್ನು ಸೆಪ್ಟಂಬರ್‌ನಲ್ಲಿ ನಡೆಯುವ ಏಷ್ಯಾ ಕಪ್‌, ಏಕದಿನ ವಿಶ್ವಕಪ್‌ ವೇಳೆ ಅವರು ತಂಡಕ್ಕೆ ಮರಳಬಹುದು. ಸದ್ಯ ಅದನ್ನೇ ಗಮನದಲ್ಲಿಟ್ಟುಕೊಂಡು ರಿಷಭ್‌ ಮುಂದುವರಿಯಬೇಕಾಗುತ್ತದೆ.