Viral Video; ಜೈಂಟ್ ವೀಲ್ ನಲ್ಲಿ 3 ಗಂಟೆಗಳ ಕಾಲ ತಲೆಕೆಳಗಾಗಿ ಸಿಲುಕಿಕೊಂಡರು!

ವಿಸ್ಕಾನ್ಸಿನ್ : ಅಮೆರಿಕದ ಕ್ರಾಂಡನ್ ಪಾರ್ಕ್‌ನಲ್ಲಿ ನಡೆದ ಫಾರೆಸ್ಟ್ ಕೌಂಟಿ ಫೆಸ್ಟಿವಲ್‌ನಲ್ಲಿ ಜೈಂಟ್ ವೀಲ್ ನಲ್ಲಿ ಕಂಡುಬಂದ ತಾಂತ್ರಿಕ ದೋಷದಿಂದಾಗಿ ಜನರು ಹಲವಾರು ಗಂಟೆಗಳ ಕಾಲ ತಲೆಕೆಳಗಾಗಿ ಸಿಲುಕಿಕೊಂಡ ಘಟನೆ ನಡೆದಿದೆ. ಅಪಾಯಕಾರಿ ಸನ್ನಿವೇಶದ ವಿಡಿಯೋ ವೈರಲ್ ಆಗಿದೆ.

NBC ನ್ಯೂಸ್ ಪ್ರಕಾರ, ಜೈಂಟ್ ವೀಲ್(roller coaster) ಕಳೆದ ಭಾನುವಾರದಂದು ಮನರಂಜನಾ ಸವಾರಿಯ ಮಧ್ಯದಲ್ಲಿ ಮುರಿದುಹೋಯಿತು ಮತ್ತು ಜನರು ಮೂರು ಗಂಟೆಗಳ ಕಾಲ ತಲೆಕೆಳಗಾಗಿ ತೂಗಾಡಿದರು.ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿರುವ ವಿಡಿಯೋದಲ್ಲಿ ಜನರು ನೇತಾಡುತ್ತಿರುವುದನ್ನು ತೋರಿಸಿದೆ. ಒಬ್ಬ ರಕ್ಷಕ ಜನರಿಗೆ ಸಹಾಯ ಮಾಡಲು ಮೇಲಕ್ಕೆ ಹತ್ತುವುದನ್ನು ಕಾಣಬಹುದಾಗಿದೆ.

“ಎಂಟು ಜನರು ಸುಮಾರು ಮೂರು ಗಂಟೆಗಳ ಕಾಲ ತಲೆಕೆಳಗಾಗಿ ನೇತಾಡಿದರು, ರೋಲರ್ ಕೋಸ್ಟರ್ ತರಹದ ಆಕರ್ಷಣೆಯಲ್ಲಿ ಸಿಲುಕಿಕೊಂಡರು. ಅಮೆರಿಕನ್ ವಿಸ್ಕಾನ್ಸಿನ್‌ನಲ್ಲಿ ನಡೆದ ಉತ್ಸವದಲ್ಲಿ ತುರ್ತು ಪರಿಸ್ಥಿತಿ ಸಂಭವಿಸಿದೆ. ಸಿಕ್ಕಿಬಿದ್ದ ಎಂಟು ಮಂದಿಯಲ್ಲಿ ಏಳು ಮಂದಿ ಮಕ್ಕಳು ಎಂದು ಸ್ಥಳೀಯ ಮಾಧ್ಯಮಗಳು ಬರೆದಿವೆ. ಪ್ರಾಥಮಿಕ ಮಾಹಿತಿಯ ಪ್ರಕಾರ, ಎಲ್ಲರೂ ಪಾರಾಗಿದ್ದಾರೆ.