Advertisement
ಏನಿದು ಹೊಸ ಪ್ರಯತ್ನ?ಸದ್ಯ ಇರುವ ಐಸಿಸಿ ನಿಯಮ ಪ್ರಕಾರ ಟೆಸ್ಟ್‌ ಕ್ರಿಕೆಟ್‌ ಒಟ್ಟು 5 ದಿನ ನಡೆಯುತ್ತದೆ. ಕ್ರಿಕೆಟ್‌ ವಲಯದಲ್ಲಿ ಇದನ್ನು 4 ದಿನಕ್ಕೆ ಸೀಮಿತಗೊಳಿಸಿ ಎನ್ನುವ ಕೂಗು ಹಿಂದಿನಿಂದಲೇ ಕೇಳಿ ಬಂದಿತ್ತು. ಈ ವಿಷಯ ಐಸಿಸಿ ಸಭೆಯಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿತ್ತು. ಇದೀಗ ಅಂತಿಮ ನಿರ್ಧಾರಕ್ಕೆ ಬರಲಾಗಿದೆ.
ಐಸಿಸಿ 8 ವರ್ಷಗಳಿಗೆ ಅನ್ವಯವಾಗುವಂತೆ ಕ್ರಿಕೆಟ್‌ ವೇಳಾಪಟ್ಟಿ ರಚಿಸುತ್ತದೆ. ಈ ಪ್ರಕಾರವಾಗಿ ಈಗಾಗಲೇ 4 ದಿನಗಳಿಗೆ ಟೆಸ್ಟ್‌ ಕೂಟವನ್ನು ನಡೆಸುವುದು ಜಾರಿಯಾಗಿದ್ದರೆ 2015-2023ರ ಅವಧಿಯಲ್ಲಿ ಐಸಿಸಿಗೆ 335 ದಿನಗಳು ಲಭಿಸುತ್ತಿದ್ದವು!
Related Articles
4 ದಿನಗಳ ಟೆಸ್ಟ್‌ ಪಂದ್ಯದ ಪ್ರಾಯೋಗಿಕ ಪರೀಕ್ಷೆಯನ್ನು ಐಸಿಸಿ 2017ರಲ್ಲೇ ನಡೆಸಿದೆ. ಮೊದಲ 4 ದಿನಗಳ ಟೆಸ್ಟ್‌ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ-ಜಿಂಬಾಬ್ವೆ ತಂಡಗಳು ಸೆಣಸಿದ್ದವು. 2019 ವರ್ಷಾರಂಭದಲ್ಲಿ ಇಂಗ್ಲೆಂಡ್‌-ಅಯರ್‌ಲ್ಯಾಂಡ್‌ ನಡುವೆ 4 ದಿನಗಳ 2ನೇ ಪ್ರಾಯೋಗಿಕ ಟೆಸ್ಟ್‌ ಪಂದ್ಯ ನಡೆದಿತ್ತು.
Advertisement
ಟೆಸ್ಟ್‌ ಕ್ರಿಕೆಟ್‌ ಆಕರ್ಷಣೆಗೆ…ಗುಲಾಲಿ ಬಣ್ಣದ ಚೆಂಡಿನಲ್ಲಿ ಹಗಲು-ರಾತ್ರಿ ಟೆಸ್ಟ್‌ ಆಯೋಜನೆ, ಡಿಆರ್‌ಎಸ್‌ ಬಳಕೆ, ಜೆರ್ಸಿ ಮೇಲೆ ಅಂಕಿ ಮತ್ತು ಆಟಗಾರನ ಹೆಸರು ಸೇರಿದಂತೆ ಹಲವು ಹೊಸ ಬದಲಾವಣೆಗಳನ್ನು ಐಸಿಸಿ ತಂದಿದೆ. ಟೆಸ್ಟ್‌ ಕ್ರಿಕೆಟನ್ನು ಹೆಚ್ಚು ಆಕರ್ಷಕಗೊಳಿಸುವ ಜತೆಗೆ ಜೀವಂತವಾಗಿಡುವ ಪ್ರಯತ್ನ ನಡೆಯುತ್ತಲೇ ಇದೆ. ಇದೀಗ 4 ದಿನಗಳ ಪಂದ್ಯದ ಸರದಿ. ಹೆಚ್ಚು ಟಿ20: ಭಾರತ ಒತ್ತಾಯ
ಭಾರತೀಯ ಕ್ರಿಕೆಟ್‌ ನಿಯಂತ್ರಣ ಮಂಡಳಿ ಹೆಚ್ಚಿನ ಸಂಖ್ಯೆಯ ಟಿ20 ಕ್ರಿಕೆಟ್‌ ಕೂಟಗಳನ್ನು ವಿಶ್ವಾದ್ಯಂತ ಆಯೋಜಿಸುವಂತೆ ಐಸಿಸಿಯನ್ನು ಒತ್ತಾಯಿಸಿದೆ. ಮಾತ್ರವಲ್ಲ 5 ದಿನಗಳ ಟೆಸ್ಟ್‌ ಕ್ರಿಕೆಟಿಗೆ ಹೆಚ್ಚಿನ ಖರ್ಚು ವೆಚ್ಚವಾಗುತ್ತದೆ. ಹೀಗಾಗಿ ದಿನವನ್ನು ಕಡಿಮೆಗೊಳಿಸಬೇಕು. ಉಳಿಯುವ ಹಣವನ್ನು ಬೇರೆ ಕ್ರಿಕೆಟ್‌ ಕೂಟಗಳಿಗೆ ಬಳಸಬೇಕೆಂದು ಐಸಿಸಿಗೆ ಬಿಸಿಸಿಐ ಮನವಿ ಮಾಡಿದೆ. ಇದಕ್ಕೀಗ ಕಾಲ ಕೂಡಿಬಂದಂತಿದೆ.