ಶಬರಿಮಲೆ ಆದಾಯ 104 ಕೋ. ರೂ.

ಶಬರಿಮಲೆ: ಕೇರಳದ ಶಬರಿಮಲೆ ಅಯ್ಯಪ್ಪ ಸ್ವಾಮಿ ದೇಗುಲದ ವಾರ್ಷಿಕ ಯಾತ್ರೆ ಆರಂಭವಾಗಿ 28 ದಿನಗಳು ಪೂರೈಸಿದ್ದು, ದೇಗುಲದ ಆದಾಯವು 104 ಕೋಟಿ ರೂ. ದಾಟಿದೆ ಎಂದು ತಿರುವಾಂಕೂರು ದೇವಸ್ವಂ ಮಂಡಳಿ ತಿಳಿಸಿದೆ. ಕಳೆದ ವರ್ಷ ಈ ಅವಧಿಯಲ್ಲಿ ಆದಾಯ 64 ಕೋಟಿ ರೂ. ಆಗಿತ್ತು.

ಅನ್ನದಾನ, ಅರವಣ ಮತ್ತು ಅಪ್ಪಂ ಪ್ರಸಾದ ಮಾರಾಟ, ದೇಣಿಗೆ ರೂಪದಲ್ಲಿ ಪಡೆದ ನಗದು ಮತ್ತು ನಾಣ್ಯಗಳ ಮೂಲಕ ಈ ಆದಾಯ ಗಳಿಸಲಾಗಿದೆ ಎಂದು ಮಂಡಳಿ ಹೇಳಿದೆ. ಕಳೆದ ವರ್ಷ, ಶಬರಿಮಲೆ ಮಹಿಳೆಯರ ಪ್ರವೇಶ ಸಂಬಂಧ ವಿವಾದ ಉಂಟಾದ ಕಾರಣ, ಆದಾಯದಲ್ಲಿ ಗಣನೀಯ ಇಳಿಕೆ ಆಗಿತ್ತು.