ಚಿಲ್ಲರೆ ಹಣದುಬ್ಬರ ಪ್ರಮಾಣದಲ್ಲಿ ಏರಿಕೆ

ಹೊಸದಿಲ್ಲಿ: ಚಿಲ್ಲರೆ ಹಣದುಬ್ಬರ ಪ್ರಮಾಣ ಬುಧವಾರ ಐದು ವರ್ಷಗಳ ಗರಿಷ್ಠಕ್ಕೆ ಜಿಗಿದಿದೆ. ಕೇಂದ್ರ ಸರಕಾರ ಬಿಡುಗಡೆ ಮಾಡಿರುವ ದತ್ತಾಂಶಗಳ ಪ್ರಕಾರ ಚಿಲ್ಲರೆ ಹಣದುಬ್ಬರ ಪ್ರಮಾಣ ಜನವರಿ ಮಾಸಕ್ಕೆ ಸಂಬಂಧಿಸಿದಂತೆ ಶೇ.7.59 ಆಗಿದೆ.

ತರಕಾರಿ, ಬೇಳೆ ಕಾಳುಗಳು, ಮೀನು, ಮಾಂಸ ದರಗಳಲ್ಲಿ ಏರಿಕೆಯಾಗಿರುವ ಹಿನ್ನೆಲೆಯಲ್ಲಿ ಈ ಬೆಳವಣಿಗೆಯಾಗಿದೆ. 2014ರ ಮೇ ತಿಂಗಳಿನಲ್ಲಿ ಗ್ರಾಹಕ ಹಣದುಬ್ಬರ ಪ್ರಮಾಣ ಶೇ.8.33ಕ್ಕೆ ನೆಗೆದಿತ್ತು. ಇದೇ ವೇಳೆ ಡಿಸೆಂಬರ್‌ 2019ರಲ್ಲಿ ಕೈಗಾರಿಕಾ ಉತ್ಪಾದನೆಯ ಸೂಚ್ಯಂಕ ಶೇ. 0.3ಕ್ಕೆ ಕುಸಿದಿದೆ.