ನಿತ್ಯಾನಂದನ ಕೈಲಾಸ ರಾಷ್ಟ್ರದಲ್ಲಿ ಹೊಸ ಬ್ಯಾಂಕ್‌

ಹೊಸದಿಲ್ಲಿ: ಭಾರತದಿಂದ ಓಡಿಹೋಗಿ ತಲೆಮರೆಸಿಕೊಂಡಿರುವ ಸ್ವಯಂ ಘೋಷಿತ ದೇವಮಾನವ, ನಿತ್ಯಾನಂದ, ಈಕ್ವೆಡಾರ್‌ ಬಳಿ ತನ್ನದೇ ಆದ ಕೈಲಾಸ ಎಂಬ ದೇಶವೊಂದನ್ನು ಸ್ಥಾಪಿಸಿಕೊಂಡಿರುವುದಾಗಿ ಹೇಳಿಕೊಂಡಿದ್ದು ಎಲ್ಲರಿಗೂ ನೆನಪಿರಬಹುದು. ಈಗ, ಸಾಮಾಜಿಕ ಜಾಲತಾಣದಲ್ಲಿ ಹೊಸ ವೀಡಿಯೋ ಹರಿಬಿಟ್ಟಿರುವ ನಿತ್ಯಾನಂದ, ತಾನು ತನ್ನ ದೇಶದ ಆರ್ಥಿಕತೆಯ ನಿರ್ವಹಣೆಗಾಗಿ ಸ್ಥಾಪಿಸಿರುವ ರಿಸರ್ವ್‌ ಬ್ಯಾಂಕ್‌ ಆಫ್ ಕೈಲಾಸವನ್ನು ಇದೇ ಗಣೇಶ ಚತುರ್ಥಿಯಿಂದ ಆರಂಭಿಸುವುದಾಗಿ ಹೇಳಿಕೊಂಡಿದ್ದಾನೆ. ರಿಸರ್ವ್‌ ಬ್ಯಾಂಕ್‌ ಆಫ್ ಕೈಲಾಸದಿಂದ ಚಲಾವಣೆಗೆ ಬರಲಿರುವ ನೋಟುಗಳ ವಿನ್ಯಾಸ ಪೂರ್ಣಗೊಂಡಿದ್ದು, ಬ್ಯಾಂಕ್‌ ಆರಂಭಗೊಂಡ ಬೆನ್ನಲ್ಲೇ ನೋಟುಗಳೂ ಬಿಡುಗಡೆಯಾಗಲಿವೆ ಎಂದು ನಿತ್ಯಾನಂದ ತಿಳಿಸಿದ್ದಾನೆ.