ಸಾಲವನ್ನು ಮರುಪಾವತಿ ಮಾಡಿಸಿಕೊಳ್ಳುವ ಏಜೆಂಟ್‌ ಕಚೇರಿಗಳಿಗೆ ಎಚ್ಚರಿಕೆ ನೀಡಿದ ಆರ್‌ಬಿಐ

ನವದೆಹಲಿ: ಸಾಲವನ್ನು ಮರುಪಾವತಿ ಮಾಡಿಸಿಕೊಳ್ಳುವ ಏಜೆಂಟ್‌ ಕಚೇರಿಗಳಿಗೆ ಭಾರತೀಯ ರಿಸರ್ವ್‌ ಬ್ಯಾಂಕ್‌(ಆರ್‌ಬಿಐ) ಭಾನುವಾರ ಖಡಕ್‌ ಎಚ್ಚರಿಕೆ ಕೊಟ್ಟಿದೆ.

“ಏಜೆಂಟರು ಮಧ್ಯ ರಾತ್ರಿ ವೇಳೆ ಕರೆ ಮಾಡುತ್ತಾರೆ, ಅಸಭ್ಯ ಮಾತುಗಳನ್ನಾಡುತ್ತಾರೆ ಎಂದು ಅನೇಕ ದೂರುಗಳು ಬರುತ್ತಿವೆ. ಈ ರೀತಿ ಮುಂದುವರಿದರೆ ನಾವು ಕಠಿಣ ಕ್ರಮ ತೆಗೆದುಕೊಳ್ಳಬೇಕಾಗುತ್ತದೆ. ಈ ರೀತಿ ಬರುವ ದೂರು ಬಂದಲ್ಲಿ, ನಾವು ಯಾವುದೇ ರಿಯಾಯಿತಿ ಕೊಡದೆ, ಅವುಗಳನ್ನು ಪೊಲೀಸರಿಗೆ ಹಸ್ತಾಂತರಿಸುತ್ತೇವೆ’ ಎಂದು ಆರ್‌ಬಿಐ ತಿಳಿಸಿದೆ.

ಹಾಗೆಯೇ ಈ ಬಗ್ಗೆ ವಿಶೇಷ ಗಮನ ಹರಿಸಬೇಕೆಂದು ಸಾಲ ಕೊಡುವ ಬ್ಯಾಂಕುಗಳು ಮತ್ತು ಕಂಪನಿಗಳಿಗೂ ಸೂಚನೆ ಕೊಡಲಾಗಿದೆ.