ಸಕಾಲಕ್ಕೆ ಸಾಲ ಮರುಪಾವತಿಸಿ

ರಾಯಬಾಗ: ತಾಲೂಕಿನ ದಿಗ್ಗೇವಾಡಿ ಗ್ರಾಮದ ಮಹಾಲಿಂಗೇಶ್ವರ ಕ್ರೆಡಿಟ್‌ ಸೌಹಾರ್ದ ಸಹಕಾರಿ ನಿಯಮಿತದ ವಾರ್ಷಿಕ ಸಭೆ ಸೊಸೈಟಿ ಕಚೇರಿಯಲ್ಲಿ ಜರುಗಿತು.

ಸಹಕಾರಿ ಅಧ್ಯಕ್ಷ ಡಿ.ಎಲ್‌. ಮಿರ್ಜೆ ಮಾತನಾಡಿ, ಗ್ರಾಹಕರು ಪಡೆದ ಸಾಲ ಸಕಲಾಕ್ಕೆ ಮರುಪಾವತಿಸಿ ಸಂಘದ ಅಭಿವೃದ್ಧಿಗೆ ಕೈ ಜೋಡಿಸಬೇಕು ಎಂದರು. ಈ ವೇಳೆ ಎಸ್ಸೆಸ್ಸೆಲ್ಸಿ ಪರೀಕ್ಷೆಯಲ್ಲಿ ಅತಿ ಹೆಚ್ಚು ಅಂಕ ಪಡೆದ ಗ್ರಾಮದ ವಿದ್ಯಾರ್ಥಿಗಳಿಗೆ ಬಹುಮಾನಗಳನ್ನು ವಿತರಿಸಲಾಯಿತು. ಸಭೆಯಲ್ಲಿ ಡಿಕೆಎಸ್‌ ಎಸ್‌ಕೆ ನಿರ್ದೇಶಕ ಮಲ್ಲಪ್ಪ ಮೈಶಾಳೆ, ಸೊಸೈಟಿ ಕಾರ್ಯದರ್ಶಿ ಬಿ.ಬಿ.ಚೌಗಲಾ, ಅನೀಲಕುಮಾರ ಜಲಾಲಪೂರೆ ಸೇರಿದಂತೆ ಸಿಬ್ಬಂದಿ ಅನೇಕರು ಇದ್ದರು.