ಪಂಚಾಯತ್‌ನಿಂದ ದುರಸ್ತಿ; ಹೊಂಡ,ಗುಂಡಿಗಳಿಗೆ ತಾತ್ಕಾಲಿಕ ಮುಕ್ತಿ 

ಸಸಿಹಿತ್ಲು: ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಗುರುತಿಸಿಕೊಂಡಿರುವ ಸಸಿಹಿತ್ಲು ಬೀಚ್‌ಗೆ ಆಗಮಿಸುವ ಪ್ರವಾಸಿಗ ರನ್ನು ಹೊಂಡ,ಗುಂಡಿಗಳಿಂದ ಸ್ವಾಗತಿಸುತ್ತಿದ್ದ ರಸ್ತೆಗೆ ಜು.20ರಂದು ಹಳೆ ಯಂಗಡಿ ಗ್ರಾಮ ಪಂಚಾಯತ್‌ ತಾತ್ಕಾ ಲಿಕ ಪರಿಹಾರವಾಗಿ ದುರಸ್ತಿ ಕಾರ್ಯ ನಡೆಸಿದೆ.

ಸಸಿಹಿತ್ಲು ಮುಂಡ ಪ್ರದೇ ಶದ ಬೀಚನ್ನು  ಪ್ರವೇ ಶಿ ಸುವ ಈ ರಸ್ತೆಯ ಸಮ ಸ್ಯೆ ಬಗ್ಗೆ ಉದಯವಾಣಿ ಸುದಿನದಲ್ಲಿ ಜು.13ರಂದು ವರದಿ ಪ್ರಕಟಗೊಂಡ ಬಳಿಕ ಹಳೆಯಂಗಡಿ ಗ್ರಾಮ ಪಂಚಾಯತ್‌ ಸದಸ್ಯರ ವಿಶೇಷ ಸಭೆಯನ್ನು ನಡೆಸಿ ರಸ್ತೆ ಸಮಸ್ಯೆಯ ಬಗ್ಗೆ ಚರ್ಚೆ ನಡೆಸಿತ್ತಲ್ಲದೆ, ಈಗಾಗಲೇ ಸುನಾಮಿ ಯೋಜನೆಯಲ್ಲಿ 3 ಕೋ. ರೂ. ವೆಚ್ಚದಲ್ಲಿ ಸಂಪೂರ್ಣವಾಗಿ ಕಾಂಕ್ರೀಟೀ ಕೃತಗೊಳಿಸುವ ಯೋಜನೆ ಇರು ವುದರಿಂದ ತಾತ್ಕಾಲಿಕವಾದರೂ ದುರಸ್ತಿ ಕಾರ್ಯ ನಡೆಸಲು ನಿರ್ಧರಿಸಲಾಗಿದೆ ಎಂದು ಗ್ರಾ. ಪಂ.ತಿಳಿಸಿದೆ.

ಈ ರಸ್ತೆ ಯಲ್ಲಿ ಪ್ರವಾಸಿಗರು ಹಾಗೂ ಮುಂಡ ಪ್ರದೇ ಶದ ನಿವಾಸಿಗಳು ತಮ್ಮ ವಾಹನಗಳ ಮೂಲಕ ಸಂಚ ರಿ ಸು ತ್ತಾರೆ. ಜತೆಗೆ ಸಸಿಹಿತ್ಲಿಗೆ ಬರುವ ಬಸ್ಸುಗಳು ಸಹ ಮುಂಡ ದಲ್ಲಿಯೇ ಸಂಚಾರವನ್ನು ಕೊನೆಗೊಳಿಸುವ ಪ್ರದೇ ಶ ವಾಗಿದ್ದು, ಪ್ರಯಾಣಿಕರು ಹತ್ತಿರದಲ್ಲಿಯೇ ಇರುವ ಬಸ್‌ ನಿಲ್ದಾಣವನ್ನು ಸಹಬಳಸುತ್ತದ್ದಾರೆ. ಈಗ ಪಂಚಾಯತ್‌ ಸಿಬಂದಿ  ಸಿಮೆಂಟ್‌ ಮಿಶ್ರಿತ ಕಲ್ಲು ಮಣ್ಣುಹಾಕಿ,ಹೊಂಡ, ಗುಂಡಿಗಳನ್ನು ಮುಚ್ಚಿರುವುದರಿಂದ ತಾತ್ಕಾಲಿಕ ಪರಿ ಹಾರ ಕಂಡಿದೆ.