ರೆನೋ ಟ್ರೈಬರ್‌ ಲಿಮಿಟೆಡ್‌ ಎಡಿಷನ್‌; ಆರ್‌ಎಕ್ಸ್‌ಟಿ ಮಾಡೆಲ್‌ ಆಧರಿತ ಕಾರು ಬಿಡುಗಡೆ

2019ರಲ್ಲಿ ಭಾರತದಲ್ಲಿ ಬಿಡುಗಡೆಯಾದ ರೆನೋ ಟ್ರೈಬರ್‌ ಕಾರು ಈಗಾಗಲೇ 1 ಲಕ್ಷಕ್ಕೂ ಅಧಿಕ ಮಾರಾಟವಾಗಿದ್ದು, ಆ ಹಿನ್ನೆಲೆಯಲ್ಲಿ ಸಂಸ್ಥೆಯು ಟ್ರೈಬರ್‌ನ ಲಿಮಿಟೆಡ್‌ ಎಡಿಷನ್‌ ಅನ್ನು ಬಿಡುಗಡೆ ಮಾಡಿದೆ.

ಟ್ರೈಬರ್‌ನ ಆರ್‌ಎಕ್ಸ್‌ಟಿ ಮಾಡೆಲ್‌ ಆಧರಿತವಾಗಿರುವ ಈ ಕಾರಿನಲ್ಲಿ ಎರಡು ಡುಯಲ್‌ ಟೋನ್‌ ಬಣ್ಣಗಳ ಆಯ್ಕೆಯಿದೆ.

ಮೂನ್‌ಲೈಟ್‌ ಸಿಲ್ವರ್‌ ಜೊತೆ ಬ್ಲಾಕ್‌ ರೂಫ್ ಮತ್ತು ಕೆಡಾರ್‌ ಬ್ರೌನ್‌ ಜೊತೆ ಬ್ಲಾಕ್‌ ರೂಫ್ ಇದೆ. ಅದರ ಜೊತೆ ಡ್ಯಾಶ್‌ಬೋರ್ಡ್‌ನಲ್ಲೂ ಡುಯಲ್‌ ಟೋನ್‌ ಬಳಕೆಯಾಗಿದೆ.

ಪ್ರೊಜೆಕ್ಟರ್‌ ಹೆಡ್‌ಲ್ಯಾಂಪ್‌, 8 ಇಂಚಿನ ಟಚ್‌ ಸ್ಕ್ರೀನ್‌ ಸಿಸ್ಟಂ ಸೇರಿ ಅನೇಕ ಸೌಲಭ್ಯ ಇದರಲ್ಲಿದೆ. ಕಾರಿನ ಬೆಲೆ 7.24 ಲಕ್ಷ ರೂ.(ಎಕ್ಸ್‌ ಶೋ ರೂಂ)