ಶೀಘ್ರದಲ್ಲಿ ಭಾರತೀಯ ಮಾರುಕಟ್ಟೆಗೆ ಲಗ್ಗೆಯಿಡಲಿದೆ Realme X7 5G

ನವದೆಹಲಿ: ಕಳೆದ ಸೆಪ್ಟೆಂಬರ್ ಕೊನೆಯ ವಾರದಲ್ಲಿ ಚೀನಾ ಮಾರುಕಟ್ಟೆಗೆ ಲಗ್ಗೆ ಇಡುವ ಮೂಲಕ ಧೂಳೆಬ್ಬಿಸಿದ್ದ ಪ್ರಸಿದ್ಧ ಸ್ಮಾರ್ಟ್ ಪೋನ್ ಕಂಪನಿಯಾದ realme ಯ  X7 5G ಆವೃತ್ತಿಯು ಭಾರತೀಯ ಮಾರುಕಟ್ಟೆಗೆ ಲಗ್ಗೆಯಿಡಲು ತಯಾರಾಗಿದ್ದು, ಮುಂಬರುವ ಫೆಬ್ರವರಿ 4ರಂದು ಬಿಡುಗಡೆಗೊಳ್ಳಲಿದೆ ಎನ್ನಲಾಗಿದೆ. ಈ ನಡುವೆ ಭಾರತದಲ್ಲಿ ಈ  ಹೊಸ ಸ್ಮಾರ್ಟ್ ಪೋನಿನ ಬೆಲೆ ಎಷ್ಟಿರಬಹುದು ಎಂಬ ಮಾಹಿತಿಗಳನ್ನು ಒಳಗೊಂಡಂತೆ ಮೊಬೈಲ್ ಪೋನಿನ ಫೀಚರ್ ಗಳ ಕುರಿತಾದ ಮಾಹಿತಿಗಳು ಆನ್ ಲೈನ್ ನಲ್ಲಿ ಸೋರಿಕೆಯಾಗಿದೆ.

ರಿಯಲ್ ಮೀ X7 5G ಯ ವೈಶಿಷ್ಟ್ಯತೆಗಳು

ಈ ಹೊಸ ಸರಣಿಯ ಸ್ಮಾರ್ಟ್ ಪೋನ್ ಓಕ್ಟಾ ಕೋರ್  ಮೀಡಿಯಾ ಟೆಕ್ ಡೆನ್ಸಿಟಿ 800U SoC ಪ್ರೊಸೆಸರ್ ಅನ್ನು ಒಳಗೊಂಡಿರಲಿದ್ದು, LPDDR 4x RAM ಅನ್ನು ಹೊಂದಿರಲಿದೆ ಎನ್ನಲಾಗುತ್ತಿದೆ.

ಇದನ್ನೂ ಓದಿ:ಋತುವಿನ ಮೊದಲ ಕಂಬಳ ಯಶಸ್ವಿ: ಇಲ್ಲಿದೆ ಹೊಕ್ಕಾಡಿಗೋಳಿ ಕಂಬಳದ ಫಲಿತಾಂಶ ಪಟ್ಟಿ

ಡಿಸ್ ಪ್ಲೇ

X7 5G ಸ್ಮಾರ್ಟ್ ಪೋನ್ 6.4 ಇಂಚಿನ ಫುಲ್ ಹೆಚ್.ಡಿ+ ಅಮೋಲ್ಡ್ ಡಿಸ್ ಪ್ಲೇ ಅನ್ನು ಒಳಗೊಂಡಿರಲಿದೆ ಎಂದು ತಿಳಿದು ಬಂದಿದೆ.

ಕ್ಯಾಮರಾ ವಿನ್ಯಾಸ

ಈ ಸ್ಮಾರ್ಟ್ ಪೋನ್ ನಲ್ಲಿ ಕ್ವಾಡ್ ರೇರ್ ಕ್ಯಾಮರಾ ಇರಲಿದ್ದು, 64 MP ಪ್ರಾಥಮಿಕ ಕ್ಯಾಮರಾ, 8 MP  ಅಲ್ಟ್ರಾ ವೈಡ್ ಆ್ಯಂಗಲ್ ಕ್ಯಾಮರಾ ಮತ್ತು 2 MP ಮೈಕ್ರೋ ಕ್ಯಾಮರಾವನ್ನು ಹೊಂದಿರಲಿದೆ ಹಾಗೂ 32 MP ಸೆಲ್ಫಿ ಕ್ಯಾಮರಾವನ್ನು ಒಳಗೊಂಡಿರಲಿದೆ.

ಇದನ್ನೂ ಓದಿ:“ಹಾರ್ಮ್ ಫುಲ್ ಕಂಟೆಂಟ್ ಗಳನ್ನು ನಿಯಂತ್ರಿಸಲು ಹೊಸ ತಂತ್ರ” : ಫೇಸ್ ಬುಕ್

ಬೆಲೆ

ರಿಯಲ್ ಮೀ X7 5G ಭಾರತೀಯ ಮಾರುಕಟ್ಟೆಯಲ್ಲಿ  ಎರಡು ರೀತಿ ಬೆಲೆಗಳಲ್ಲಿ ಲಭ್ಯವಾಗಲಿದ್ದು, 6GB + 128 GB ಸ್ಟೋರೇಜ್ ಅನ್ನು ಒಳಗೊಂಡಿರುವ ಸ್ಮಾರ್ಟ್ ಪೋನ್ 19,999 ರೂಗಳಲ್ಲಿ ಲಭ್ಯಗೊಳ್ಳಲಿದೆ. ಇನ್ನು 8GB + 128 GB ಸ್ಟೋರೇಜ್ ಅನ್ನು ಒಳಗೊಂಡಿರುವ ಸ್ಮಾರ್ಟ್ ಪೋನ್ 21,999 ರೂಗಳಲ್ಲಿ ಬಳಕೆದಾರರನ್ನು ತಲುಪಲಿದೆ.