RD ಬಡ್ಡಿ ದರ ಶೇ. 6.7ಕ್ಕೆ ಏರಿಕೆ

ಹೊಸದಿಲ್ಲಿ: ಆರ್‌ಡಿಯಲ್ಲಿ ಹೂಡಿಕೆ ಮಾಡಿರುವ ಗ್ರಾಹಕರಿಗೆ ಸರಕಾರ ಸಿಹಿಸುದ್ದಿ ನೀಡಿದೆ. 5 ವರ್ಷಗಳ ಅವಧಿಯ ರಿಕರಿಂಗ್‌ ಡೆಪಾಸಿಟ್‌(ಆರ್‌ಡಿ) ಮೇಲಿನ ಬಡ್ಡಿ ದರವನ್ನು ಈಗಿ ರುವ ಶೇ. 6.5ರಿಂದ ಶೇ. 6.7ಕ್ಕೆ ಏರಿಸಿ ಕೇಂದ್ರ ಹಣಕಾಸು ಸಚಿವಾಲಯ ಶುಕ್ರವಾರ ಆದೇಶ ಹೊರಡಿಸಿದೆ. ಡಿಸೆಂಬರ್‌ಗೆ ಅಂತ್ಯವಾಗುವ ತ್ತೈಮಾಸಿಕಕ್ಕೆ ಇದು ಅನ್ವಯವಾಗಲಿದೆ.

ಇತರ ಎಲ್ಲ ಸಣ್ಣ ಉಳಿತಾಯ ಯೋಜನೆಗಳ ಬಡ್ಡಿ ದರದಲ್ಲಿ ಬದಲಾವಣೆ ಮಾಡಲಾಗಿಲ್ಲ. ಉಳಿತಾಯ ಠೇವಣಿ ಮೇಲಿನ ಬಡ್ಡಿ ದರ ಶೇ. 4 ಹಾಗೂ ಒಂದು ವರ್ಷದ ಟರ್ಮ್ ಡೆಪಾಸಿಟ್‌ (ಅವಧಿ ಠೇವಣಿ) ಬಡ್ಡಿ ದರ ಶೇ. 6.9ರಲ್ಲೇ ಮುಂದುವರಿಯಲಿದೆ. ಹಿರಿಯ ನಾಗರಿಕರ ಉಳಿತಾಯ ಯೋಜನೆ ಮೇಲಿನ ಬಡ್ಡಿ ದರ ಶೇ. 8.2 ಆಗಿರಲಿದೆ. ಸುಕನ್ಯಾ ಸಮೃದ್ಧಿ ಯೋಜನೆಯ ಬಡ್ಡಿ ದರವನ್ನೂ ಈಗಿರುವ ಶೇ. 8ರಲ್ಲೇ ಉಳಿಸಲಾಗಿದೆ.