ಡರ್ಬಿ: 1.60 ಕೋಟಿ ರೂ.ಗೆದ್ದ ಮ್ಯಾನಿಫೋಲ್ಡ್‌

ಬೆಂಗಳೂರು: ಉದ್ಯಾನನಗರಿಯಲ್ಲಿ ಭಾನುವಾರ ನಡೆದ 30ನೇ ವರ್ಷದ ಕಿಂಗ್‌ಫಿಶರ್‌ ಅಲ್ಟ್ರಾ ಡರ್ಬಿ ಕುದುರೆ ರೇಸ್‌ನಲ್ಲಿ ಅಮಿತಾ ಮೆಹ್ರಾ ಮಾಲೀಕತ್ವದ ಮ್ಯಾನಿಫೋಲ್ಡ್‌ ಕುದುರೆ ಚಾಂಪಿಯನ್‌ ಆಯಿತು. ಜಾಕಿ ನೀರಜ್‌ ರಾವಲ್‌ ಮ್ಯಾನಿಫೋಲ್ಡ್‌ ಕುದುರೆ ಮೇಲೆರಿ ಸವಾರಿ ಮಾಡಿದ್ದರು. ಪ್ರಥಮ ಬಹುಮಾನವಾಗಿ 1.60 ಕೋಟಿ ರೂ.ನಗದು ಹಾಗೂ ಸ್ಮರಣಿಕೆಯನ್ನು ಅಮಿತಾ ಸ್ವೀಕರಿಸಿದರು. ಡಾ.ವಿಜಯ್‌ ಮಲ್ಯ ಹಾಗೂ ಜಯರಾಮ್‌ ಒಡೆತನದ ಕ್ಯಾಸೆಲ್‌ ಬ್ರಿಡ್ಜ್ ಕುದುರೆ ದ್ವಿತೀಯ ಸ್ಥಾನದೊಂದಿಗೆ 52.86 ಲಕ್ಷ
ರೂ. ನಗದು, ಸ್ಮರಣಿಕೆ ಬಹುಮಾನ ಪಡೆದರು. ಈ ಕುದುರೆಯನ್ನು ಪಿ.ಟ್ರಾವೆರ್‌ ಮುನ್ನಡೆಸಿದ್ದರು. ಜಾಕಿ ಜಾನ್‌ ಮುನ್ನಡೆಸಿದ್ದ ಒಲಿಂಪಿಯಾ ಫೀಲ್ಡ್ಸ್ ಕುದುರೆ 3ನೇ ಸ್ಥಾನಿಯಾಗಿ 26.43 ಲಕ್ಷ ರೂ. ನಗದು ಪಡೆಯಿತು.