Ration distribution scam: ಪ.ಬಂಗಾಳದ 10 ಸ್ಥಳಗಳಲ್ಲಿ ಇ.ಡಿ. ದಾಳಿ

ಕೋಲ್ಕತಾ: ಪಡಿತರ ವಿತರಣೆ ಹಗರಣಕ್ಕೆ ಸಂಬಂಧಿಸಿದಂತೆ ಜಾರಿ ನಿರ್ದೇಶನಾಲಯ(ಇ.ಡಿ.) ಅಧಿಕಾರಿಗಳು ಮಂಗಳವಾರ ಪಶ್ಚಿಮ ಬಂಗಾಳದ ಉತ್ತರ 24 ಪರಗಣ ಜಿಲ್ಲೆಯ 10 ಸ್ಥಳಗಳಲ್ಲಿ ಏಕಕಾಲದಲ್ಲಿ ದಾಳಿ ನಡೆಸಿದ್ದಾರೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ರಾಜರ್ಹತ್‌, ಬರಾಸತ್‌, ಬಸಿರ್ಹತ್‌, ಭಾಂಗರ್‌ ಹಾಗೂ ದೇಗಂಗ ಪ್ರದೇಶಗಳಲ್ಲಿನ ಉದ್ಯಮಿ ಹಾಗೂ ಇಬ್ಬರು ಟಿಎಂಸಿ ನಾಯಕರಿಗೆ ಸೇರಿದ ಮನೆ, ಗಿರಣಿಗಳು ಮತ್ತು ಕಚೇರಿಗಳಲ್ಲಿ ದಾಳಿ ನಡೆಸಲಾಗಿದೆ. ಹಗರಣದಲ್ಲಿ ಉದ್ಯಮಿಯ ಅಕ್ಕಿ ಹಾಗೂ ಹಿಟ್ಟಿನ ಗಿರಣಿಗಳನ್ನು ನೇರ ಹಾಗೂ ಪರೋಕ್ಷವಾಗಿ ಬಳಸಿಕೊಳ್ಳಲಾಗಿದೆ. ಈ ಗಿರಣಿಗಳು ಟಿಎಂಸಿ ನಾಯಕರಿಗೆ ಸೇರಿವೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.