Kissing scenes ಮಾಡಲು ಹೆಚ್ಚಿನ ಸಂಭಾವನೆ ಪಡೆಯುತ್ತಾರಾ ಕಿರಿಕ್‌ ಬೆಡಗಿ ರಶ್ಮಿಕಾ?

ಮುಂಬಯಿ: ಬಹುಭಾಷಾ ನಟಿ ರಶ್ಮಿಕಾ ಮಂದಣ್ಣ ಅವರು ʼಅನಿಮಲ್‌ʼ ಚಿತ್ರದ ಹಾಡೊಂದರಲ್ಲಿ ಲಿಪ್‌ ಲಾಕ್‌ ಮಾಡಿರುವುದು ಬಿಟೌನ್‌ ಹಾಗೂ ಟಾಲಿವುಡ್‌ ರಂಗದಲ್ಲಿ ಕಳೆದ ಕೆಲದಿನಗಳಿಂದ ಚರ್ಚೆ ಆಗುತ್ತಿದೆ.

ರಣ್ಬೀರ್‌ ಕಪೂರ್‌ ಅಭಿನಯದ ಪ್ಯಾನ್‌ ಇಂಡಿಯಾ ʼಅನಿಮಲ್‌ʼ ಸಿನಿಮಾದ ಟ್ರೇಲರ್‌ ರಿಲೀಸ್‌ ಆದ ಬಳಿಕ ಇತ್ತೀಚೆಗೆ ʼಹು ಮೇʼ ಎನ್ನುವ ಹಾಡನ್ನು ಚಿತ್ರತಂಡ ರಿಲೀಸ್‌ ಮಾಡಿದೆ. ಈ ಹಾಡಿನ ಸಾಹಿತ್ಯಕ್ಕಿಂತ ಈ ಹಾಡಿನಲ್ಲಿ ಮೂರು – ನಾಲ್ಕು ಬಾರಿ ಕಾಣಿಸಿಕೊಳ್ಳುವ ರಶ್ಮಿಕಾ – ರಣ್ಬೀರ್‌ ಲಿಪ್‌ ಲಾಕ್‌ ದೃಶ್ಯವೇ ಹೆಚ್ಚು ಚರ್ಚೆ ಆಗಿದೆ.

ʼಕಿರಿಕ್‌ ಪಾರ್ಟಿʼ ಬೆಡಗಿ ರಶ್ಮಿಕಾ ಈ ಹಿಂದೆ ವಿಜಯ್‌ ದೇವರಕೊಂಡ ಅವರೊಂದಿದೆ ʼಗೀತಾ ಗೋವಿಂದಂʼ ಹಾಗೂ ʼಡಿಯರ್‌ ಕಾರ್ಮೆಡ್‌ʼ ಸಿನಿಮಾದಲ್ಲಿ ಲಿಪ್‌ ಲಾಕ್‌ ಮಾಡಿದ್ದರು. ಆದಾದ ಬಳಿಕ ಇದೀಗ ಬಿಟೌನ್‌ ನಟ ರಣ್ಬೀರ್‌ ಕಪೂರ್‌ ಅವರೊಂದಿಗೆ ತುಟಿಗೆ ತುಟಿ ಸೇರಿಸಿರುವುದು ವೈರಲ್‌ ಆಗಿದೆ.

ಇದನ್ನೂ ಓದಿ: Viral: ನಡುರಸ್ತೆಯಲ್ಲೇ ರಿಕ್ಷಾ ಚಾಲಕನ ಖಾಸಗಿ ಅಂಗ ಮುಟ್ಟಿ ಕಿರುಕುಳ ನೀಡಿದ ಮಹಿಳೆ  

ಆದರೆ ಈ ಕಿಸ್ಸಿಂಗ್‌ ವಿಚಾರವಾಗಿ ಇದೀಗ ಕೆಲ ಗಾಸಿಪ್‌ ಗಳು ಬಿಟೌನ್‌ ನಲ್ಲಿ ಹರಿದಾಡಿದೆ. ರಶ್ಮಿಕಾ ಮಂದಣ್ಣ ಅವರು ಲಿಪ್‌ ಲಾಕ್‌ ಅಥವಾ ಕಿಸ್ಸಿಂಗ್‌ ನಂತಹ ದೃಶ್ಯಗಳಿಗೆ ಸಿನಿಮಾ ಸಂಭಾವನೆ ಬಿಟ್ಟು ಹೆಚ್ಚುವರಿ ಸಂಭಾವನೆಯನ್ನು ಪಡೆಯುತ್ತಾರೆ ಎನ್ನುವ ಸುದ್ದಿಯೊಂದು ಹರಿದಾಡುತ್ತಿದೆ.

ಈ ಸುದ್ದಿ ಎಲ್ಲೆಡೆ ಹರಿದಾಡುತ್ತಿರುವ ಬೆನ್ನಲ್ಲೇ ನಟಿಯ ಟೀಮ್‌ ಇದಕ್ಕೆ ಸ್ಪಷ್ಟನೆ ನೀಡಿ, ಅವರು ಹೆಚ್ಚುವರಿಯಾಗಿ ಯಾವುದ ದೃಶ್ಯಗಳಿಗೆ ಸಂಭಾವನೆ ಪಡೆಯುವುದಿಲ್ಲ ಎಂದಿದ್ದಾರೆ.

ಸಂದೀಪ್‌ ವಂಗಾ ನಿರ್ದೇಶನದ ʼಅನಿಮಲ್‌ʼ ಸಿನಿಮಾದಲ್ಲಿ ರಣ್ಬೀರ್‌, ರಶ್ಮಿಕಾ ಜೊತೆ ಬಾಬಿ ಡಿಯೋಲ್, ಅನಿಲ್ ಕಪೂರ್ ಮುಂತಾದವರು ಕಾಣಿಸಿಕೊಳ್ಳಲಿದ್ದಾರೆ.

ಇದೇ ಡಿಸೆಂಬರ್‌ 1 ರಂದು ಪ್ಯಾನ್‌ ಇಂಡಿಯಾ ಭಾಷೆಯಲ್ಲಿ ಸಿನಿಮಾ ರಿಲೀಸ್‌ ಆಗಲಿದೆ.