Advertisement
“ರಶೀದ್‌ ಖಾನ್‌ ಓರ್ವ ಉತ್ತಮ ಸ್ಪಿನ್ನರ್‌ ಎಂದು ನಾನು ಇಷ್ಟು ದಿನ ಭಾವಿಸಿಕೊಂಡಿದ್ದೆ. ಆದರೆ ಇನ್ನುಮುಂದೆ ಅವರನ್ನು ವಿಶ್ವ ಶ್ರೇಷ್ಠ ಸ್ಪಿನ್ನರ್‌ ಎಂದು ಹೇಳಲು ನಾನು ಹಿಂಜರಿಯುವುದಿಲ್ಲ. ರಶೀದ್‌ ಅವರಲ್ಲಿ ಬ್ಯಾಟಿಂಗ್‌ ಕೌಶಲವೂ ಇದೆ ಎಂಬುದು ಸಾಬೀತಾಗಿದೆ. ಗ್ರೇಟ್‌ ಗೈ…’ ಎಂದು ಸಚಿನ್‌ ಟ್ವೀಟ್‌ ಮಾಡಿದ್ದಾರೆ.”ರಶೀದ್‌ ಖಾನ್‌ ಅವರನ್ನು ಎದುರಿಸಿ ನಿಲ್ಲುವುದು ಕಷ್ಟ. ಅನ್‌ಬೀಟೇಬಲ್‌…’ ಎಂಬುದು ರಾಹುಲ್‌ ದ್ರಾವಿಡ್‌ ಅಭಿಪ್ರಾಯ.
ಕೆಕೆಆರ್‌ ವಿರುದ್ಧ ಮಿಂಚಿ ಹೈದರಾಬಾದ್‌ನ ಗೆಲುವಿನ ರೂವಾರಿಯಾಗಿ ಮೂಡಿಬಂದ ರಶೀದ್‌ ಖಾನ್‌ ಅವರನ್ನು ಅಫ್ಘಾನಿಸ್ಥಾನ ಕ್ರಿಕೆಟ್‌ ಮಂಡಳಿ (ಎಸಿಬಿ) ಅಭಿನಂದಿಸಿದೆ.”ನಮ್ಮ ಗೂಗ್ಲಿ ಮಾಸ್ಟರ್‌ಗೆ ಅಭಿನಂದನೆಗಳು. ಎಲ್ಲ 3 ವಿಭಾಗಗಳಲ್ಲೂ ಮಿಂಚಿ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಪಾತ್ರರಾಗಿದ್ದೀರಿ. ಫೈನಲ್‌ನಲ್ಲೂ ನಿಮಗೆ ಅದೃಷ್ಟ ಒಲಿಯಲಿ…’ ಎಂದು ಎಸಿಬಿ ಟ್ವೀಟ್‌ ಮಾಡಿದೆ.ಇದೇ ವೇಳೆ ಟಾಲಿವುಡ್‌ ಸೂಪರ್‌ಸ್ಟಾರ್‌ ಮಹೇಶ್‌ ಬಾಬು ಅವರು ವಿಜೇತ ಹೈದರಾಬಾದ್‌ ತಂಡಕ್ಕೆ ಅಭಿನಂದನೆ ಸಲ್ಲಿಸಿದ್ದು, ಹೀರೋ ರಶೀದ್‌ ಖಾನ್‌ ಸಾಹಸವನ್ನು ಕೊಂಡಾಡಿದ್ದಾರೆ.
Related Articles
Advertisement
ಭಾರತೀಯ ಪೌರತ್ವ!ರಶೀದ್‌ ಖಾನ್‌ ಅವರ ಸಾಧನೆಗೆ ಭಾರತೀಯರೂ ಫಿದಾ ಆಗಿದ್ದಾರೆ. ಅವರಿಗೆ ಭಾರತೀಯ ಪೌರತ್ವ ನೀಡಿ ಎಂದು ಅನೇಕರು ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್‌ ಅವರಿಗೆ ಟ್ವೀಟ್‌ ಮಾಡಿದ್ದಾರೆ. ಇದಕ್ಕೆ ಸುಷ್ಮಾ ಸ್ವರಾಜ್‌ ಪ್ರತಿಕ್ರಿಯಿಸಿದ್ದು ವಿಶೇಷ. “ನಾನು ಎಲ್ಲ ಟ್ವೀಟ್‌ಗಳೂ° ಗಮನಿಸಿದ್ದೇನೆ. ಆದರೆ ಪೌರತ್ವದ ವಿಷಯ ಗೃಹ ಸಚಿವಾಲಯದ ವ್ಯಾಪ್ತಿಗೆ ಒಳಪಡುತ್ತದೆ’ ಎಂದು ಉತ್ತರಿಸಿದ್ದಾರೆ.