Rangasamudra: ಉತ್ತರ ಕರ್ನಾಟಕದ ಸಂಸ್ಕೃತಿ ಸುತ್ತ ರಂಗಸಮುದ್ರ

ರಂಗ ಸಮುದ್ರ- ಹೀಗೊಂದು ಚಿತ್ರ ಜ.19ರಂದು ತೆರೆಕಾಣುತ್ತಿದೆ.ಈಗಾಗಲೇ ಬಿಡುಗಡೆಯಾಗಿರುವ ಚಿತ್ರದ ಟೀಸರ್‌, ಟ್ರೇಲರ್‌ಗೆ ಮೆಚ್ಚುಗೆ ವ್ಯಕ್ತವಾಗುವ ಮೂಲಕ ಚಿತ್ರತಂಡ ಖುಷಿಯಾಗಿದೆ.

ನಿರ್ದೇಶಕ ರಾಜಕುಮಾರ್‌ ಅಸ್ಕಿ ಅವರ ಚೊಚ್ಚಲ ಕನಸಿದು. ಕೆ. ಆರ್‌ ಹೊಯ್ಸಳ ಈ ಚಿತ್ರದ ನಿರ್ಮಾಪಕರು. ಚಿತ್ರದ ಬಗ್ಗೆ ಮಾತನಾಡುವ ನಿರ್ದೇಶಕ ರಾಜಕುಮಾರ್‌,” ಉತ್ತರ ಕರ್ನಾಟಕದ ಭಾಗದ ಸಂಸ್ಕೃತಿ, ಆಚರಣೆ, ಮರೆತು ಹೋದ ಕಲೆಗಳ ಸುತ್ತ ಸಿನಿಮಾ ಸಾಗಲಿದೆ. ಡೊಳ್ಳು ಕೂಡಾ ಚಿತ್ರದಲ್ಲಿ ಪ್ರಮುಖ ಪಾತ್ರ ವಹಿಸಿದ್ದು, ಚಿತ್ರದಲ್ಲಿ ಶಿಕ್ಷಣದ ಮಹತ್ವವನ್ನು ಹೇಳಿದ್ದೇವೆ. ಇಡೀ ಸಿನಿಮಾ ರಂಗಸಮುದ್ರ ಎಂಬ ಊರಿನಲ್ಲಿ ನಡೆಯುತ್ತದೆ’ ಎಂದು ಚಿತ್ರದ ಬಗ್ಗೆ ಹೇಳುತ್ತಾರೆ.

ಚಿತ್ರದಲ್ಲಿ ರಂಗಾಯಣ ರಘು, ಸಂಪತ್‌ ರಾಜ್‌,ಕರಾವಳಿಯ ಕೆವಿಆರ್‌ ಮತ್ತು ದಿವ್ಯಾ ಗೌಡ, ಗುರುರಾಜ್‌ ಹೊಸಕೋಟೆ ಮೋಹನ್‌ ಜುನೇಜ, ಮೂಗು ಸುರೇಶ್‌, ಉಗ್ರಂ ಮಂಜು, ಸ್ಕಂದ ತೇಜಸ್‌, ಡ್ರಾಮಾ ಜ್ಯೂನಿಯರ್‌ ಮಹೇಂದ್ರ ಮತ್ತಿತರರು ಚಿತ್ರದ ಭೂಮಿಕೆಯಲ್ಲಿದ್ದಾರೆ. ಚಿತ್ರಕ್ಕೆ ಮೋಹನ್‌ ಸಂಗೀತ ನೀಡಿದ್ದಾರೆ. ಡ್ಯಾನಿಯಲ್‌ ಜೆ ಕಿರಣ್‌ ಹಿನ್ನೆಲೆ ಸಂಗೀತವಿದೆ. ಚಿತ್ರದ ಹಾಡುಗಳಿಗೆ ಖ್ಯಾತ ಗಾಯಕರಾದ ಕೈಲಾಶ್‌ ಖೇರ್‌,ಕೀರವಾಣಿ, ನವೀನ್‌ ಸಜ್ಜು, ವಿಜಯ್‌ ಪ್ರಕಾಶ್‌, ಸಂಜಿತ್‌ ಹೆಗ್ಡೆ ಧ್ವನಿಯಾಗಿದ್ದಾರೆ.