ಹುಚ್ಚರು ನೀವು, ಜಾಡಿಸಿ ಒದಿಬೇಕು ನಿಮ್ಮನ್ನು:ರಮೇಶ್‌ ಜಾರಕಿಹೊಳಿ ಕಿಡಿ

ಬೆಳಗಾವಿ: ನೀವು ಹುಚ್ಚರಿದ್ದೀರಿ, ಒದಿಬೇಕು ನಿಮ್ಮನ್ನು ,ಜಾಡಿಸಿ ಒದಿಬೇಕು ಇದು ಗುರುವಾರ ಬೆಳ್ಳಂಬೆಳಗ್ಗೆ ಮಾಜಿ ಸಚಿವ ರಮೇಶ ಜಾರಕಿಹೊಳಿ ಅವರು ಮಾಧ್ಯಮ ಪ್ರತಿನಿಧಿಗಳ ಮೇಲೆ ಹರಿಹಾಯ್ದ ಪರಿ. 

ಗೋಕಾಕ್‌ನ ನಿವಾಸದ ಬಳಿ ಬೆಳಗ್ಗೆ ಬ್ಯಾಡ್ಮಿಂಟನ್‌ ಆಟ ಮುಗಿಸಿ ಬಂದ ರಮೇಶ್‌ ಜಾರಕಿಹೊಳಿ ಅವರನ್ನು ಪ್ರಶ್ನಿಸಲು ಮುಂದಾದಾಗ ಕೋಪವನ್ನು ಹೊರ ಹಾಕಿ , ನಿಮ್ಮದು ಅತಿಯಾಯ್ತು ಎಂದು ನೇರವಾಗಿ ಮನೆಯ ಒಳಗೆ ತೆರಳಿದ್ದಾರೆ. 

ಸಚಿವ ಸ್ಥಾನ ಕಳೆದುಕೊಂಡ ನಂತರ ಕಾಂಗ್ರೆಸ್‌ ನಾಯಕರ ವಿರುದ್ಧ ಮುನಿಸಿಕೊಂಡು ಯಾರ ಸಂಪರ್ಕಕ್ಕೂ ಸಿಗದೆ ಅಜ್ಞಾತ ಸ್ಥಳದಲ್ಲಿದ್ದ ರಮೇಶ್‌ ಅವರು ಕೊನೆಗೂ ಮಂಗಳವಾರ ತಡರಾತ್ರಿ  ಗೋಕಾಕದಲ್ಲಿ ಕಾಣಿಸಿಕೊಂಡಿದ್ದರು. 

ಬುಧವಾರ ಬೆಳಗ್ಗೆ ಮತ್ತೆ ಯಾರಿಗೂ ಸೂಚನೆ ನೀಡದೆ ಅಜ್ಞಾತ ಸ್ಥಳಕ್ಕೆ ತೆರಳಿದ್ದರು.  ರಮೇಶ ಜಾರಕಿಹೊಳಿ ಇನ್ನೂ ತಮ್ಮ ರಾಜಕೀಯ ನಡೆಯ ನಿಗೂಢತೆಯನ್ನು ಕಾಯ್ದುಕೊಂಡಿದ್ದಾರೆ.