ಬಾಬಾ ರಾಮದೇವ್‌ ಅವರಿಂದ 90 ಮಂದಿಗೆ ಸನ್ಯಾಸತ್ವ ದೀಕ್ಷೆ

ಹರಿದ್ವಾರ : ಯೋಗ ಗುರು ಬಾಬಾ ರಾಮದೇವ್‌ ಅವರು ನಿನ್ನೆ ರಾಮನವಮಿಯ ದಿನದಂದು, ದೇಶವನ್ನು ವಿಶ್ವದ ಬಲಾಡ್ಯ ಆಧ್ಯಾತ್ಮಿಕ ಶಕ್ತಿ ಕೇಂದ್ರವಾಗಿ ಪರಿವರ್ತಿಸುವ ಸಂಕಲ್ಪ ತಳೆದ ಸುಮಾರು 90 ಮಂದಿಯ ತಂಡಕ್ಕೆ ಪತಂಜಲಿಯ ಸನ್ಯಾಸತ್ವ ದೀಕ್ಷೆ ನೀಡಿದರು.

ಈ ಪುಣ್ಯ ಕ್ಷೇತ್ರದಲ್ಲಿನ ಗಂಗಾ ನದಿಯ ತಟದಲ್ಲಿ ಬಾಬಾ ರಾಮದೇವ್‌ ಅವರು 51 ಸನ್ಯಾಸಿಗಳು ಮತ್ತು 39 ಸನ್ಯಾಸಿನಿಯರಿಗೆ ಅವರವರ ಕುಟುಂಬ ಸದಸ್ಯರ ಸಮ್ಮುಖದಲ್ಲಿ ದೀಕ್ಷೆ ನೀಡಿದರು. 

ಸನ್ಯಾಸತ್ವಕ್ಕೆ ಮತ್ತು ದೇಶಸೇವೆಗೆ ತಮ್ಮನ್ನು ಮುಡಿಪಾಗಿಡುವುದಕ್ಕೆ ಮೀರಿದ ಮಹೋನ್ನತ ಸಂಕಲ್ಪ ಬೇರೊಂದಿಲ್ಲ ಎಂದು ಯೋಗ ಗುರು ರಾಮದೇವ್‌ ಅವರು ದೀಕ್ಷೆ ಪಡೆದ ಸನ್ಯಾಸಿಗಳು ಮತ್ತು ಸನ್ಯಾಸಿನಿಯರನ್ನು ಸ್ವಾಗತಿಸಿ ಹೇಳಿದರು.