Baba Siddique Case: ಗುಜರಾತ್‌ ಮೂಲದ ವ್ಯಕ್ತಿ ಸೆರೆ

ಮುಂಬಯಿ: ಎನ್‌ಸಿಪಿ ನಾಯಕ ಬಾಬಾ ಸಿದ್ಧಿಕಿ ಹತ್ಯೆಗೆ ಸಂಬಂಧಿಸಿದಂತೆ ಅಪರಾಧ ವಿಭಾಗದ ಪೊಲೀಸರು ಗುಜರಾತ್‌ ಮೂಲದ ವ್ಯಕ್ತಿಯೊಬ್ಬನನ್ನು ಬಂಧಿಸಿದ್ದಾರೆ.

ಇದರೊಂದಿಗೆ ಈ ಪ್ರಕರಣದಲ್ಲಿ ಬಂಧಿತರಾದವರ ಸಂಖ್ಯೆ 25 ಆಗಿದೆ. ಗುಜರಾತ್‌ನ ಆನಂದ್‌ ಜಿಲ್ಲೆಯವನಾದ ಸಲ್ಮಾನ್‌ಭಾಯ್‌ ಇಕ್ಬಾಲ್‌ಭಾಯ್‌ ವೊಹ್ರಾ ಎಂಬ ವ್ಯಕ್ತಿಯು ಕಳೆದ ಮೇನಲ್ಲಿ ಬ್ಯಾಂಕ್‌ ಖಾತೆಯೊಂದನ್ನು ತೆರೆದು, ಆರೋಪಿ ಗಳಾದ ಗುರ್ಮೈಲ್‌ ಸಿಂಗ್‌ನ ಸೋದರ ನರೇಶ್‌ಕುಮಾರ್‌ ಸಿಂಗ್‌, ರೂಪೇಶ್‌ ಮೊಹೊಲ್‌ ಮತ್ತು ಹರೀಶ್‌ ಕುಮಾರ್‌ಗೆ ಹಣಕಾಸಿನ ನೆರವು ನೀಡಿದ್ದರೆಂದು ಅಧಿಕಾರಿಗಳು ತಿಳಿಸಿದ್ದಾರೆ.