ಎಸ್‌ಬಿಐ ನೂತನ ಅಧ್ಯಕ್ಷರಾಗಿ ರಜನೀಶ್‌ ಕುಮಾರ್‌ ನೇಮಕ

ಹೊಸದಿಲ್ಲಿ : ಭಾರತೀಯ ಸ್ಟೇಟ್‌ ಬ್ಯಾಂಕ್‌ (ಎಸ್‌ಬಿಐ) ನ ಆಡಳಿತ ನಿರ್ದೇಶಕ ರಜನೀಶ್‌ ಕುಮಾರ್‌ ಅವರನ್ನು ಬ್ಯಾಂಕಿನ ಮುಂದಿನ ಅಧ್ಯಕ್ಷರನ್ನಾಗಿ ನೇಮಿಸಲಾಗಿದೆ. 

ರಜನೀಶ್‌ ಕುಮಾರ್‌ ಅವರು ಅರುಂಧತಿ ಭಟ್ಟಾಚಾರ್ಯ ಅವರ ಉತ್ತರಾಧಿಕಾರಿಯಾಗಿದ್ದಾರೆ. ಒಂದು ವರ್ಷ ವಿಸ್ತರಿತ ಸೇವೆಯಲ್ಲಿರುವ ಅರುಂಧತಿ ಅವರ ಕಾರ್ಯಾವಧಿ ಇದೇ ಶುಕ್ರವಾರ ಕೊನೆಗೊಳ್ಳಲಿದೆ. 

ನೇಮಕಾತಿ ಸಮಿತಿಯು ರಜನೀಶ್‌ ಕುಮಾರ್‌ ಅವರನ್ನು ಇದೇ ಅಕ್ಟೋಬರ್‌ 7ರಿಂದ ಮೂರು ವರ್ಷಗಳ ಅವಧಿಗೆ ನೇಮಿಸಿರುವುದಾಗಿ ಬ್ಯಾಂಕಿನ ಸಿಬಂದಿ ಮತ್ತು ತರಬೇತಿ ವಿಭಾಗ ಹೊರಡಿಸಿರುವ ಆದೇಶ ತಿಳಿಸಿದೆ.