Rajkot: ವಕ್ಫ್ ಆದೇಶವೆಂದು ಅಂಗಡಿಗಳ ತೆರವು: 9 ಮಂದಿ ಬಂಧನ

ರಾಜ್‌ಕೋಟ್‌: ವಕ್ಫ್ ಮಂಡಳಿಯ ಆದೇಶವೆಂದು ಬೆದರಿಸಿ ಮೂವರು ವ್ಯಾಪಾರಿಗಳ ಅಂಗಡಿಗಳನ್ನು ತೆರವುಗೊಳಿಸಿದ ಆರೋಪದಡಿ ಮಸೀದಿಯೊಂದರ ಟ್ರಸ್ಟಿ ಸೇರಿದಂತೆ 9 ಜನರನ್ನು ಗುರುವಾರ ಗುಜರಾತ್‌ ಪೊಲೀಸರು ಬಂಧಿಸಿದ್ದಾರೆ.

ಡಿ.31ರಂದು, ರಾಜ್‌ಕೋಟ್‌ನ ನವಾಬ್‌ ಮಸೀದಿಯ ನೆಲಮಹಡಿಯಲ್ಲಿ ಬಾಡಿಗೆ ಆಧಾರದಲ್ಲಿ ಅಂಗಡಿ ನಡೆಸುತ್ತಿದ್ದ ಹಿಂದೂ ವರ್ತಕರ ಅಂಗಡಿಗೆ ನುಗ್ಗಿದ ಜನರ ಗುಂಪು ಒತ್ತಾಯಪೂರ್ವಕವಾಗಿ ಅಂಗಡಿ ತೆರವುಗೊಳಿಸಿತ್ತು ಎಂದು ಆರೋಪಿಸಲಾಗಿತ್ತು.

ಈ ವೇಳೆ ವರ್ತಕರೊಬ್ಬರು ಗುಂಪಿನ ಕ್ರಮವನ್ನು ಪ್ರಶ್ನಿಸಿದಾಗ, ವಕ್ಫ್ ಮಂಡಳಿಯ ಆದೇಶದನ್ವಯ ನಾವು ಕಾರ್ಯಾಚರಣೆ ನಡೆಸಿದ್ದೇವೆ ಎಂದಿದ್ದರು. ಅಂಗಡಿ ತೆರವಿನ ಕುರಿತು ನೋಟಿಸ್‌ ಲಭಿಸದ್ದರಿಂದ ವರ್ತಕರು ಪೊಲೀಸರಿಗೆ ದೂರು ಸಲ್ಲಿಸಿದ್ದರು.