ಮುಂಬಯಿ : ಸೂಪರ್ ಸ್ಟಾರ್ ರಜನಿಕಾಂತ್ ಅವರ 169 ನೇ ವೈಶಿಷ್ಟ್ಯದ ಬಹು ನಿರೀಕ್ಷಿತ ಚಿತ್ರಕ್ಕೆ “ಜೈಲರ್” ಎಂದು ಹೆಸರಿಡಲಾಗಿದೆ.ಚಿತ್ರದ ಇನ್ನೊಂದು ವಿಶೇಷವೆಂದರೆ ಕನ್ನಡದ ಸೂಪರ್ ಸ್ಟಾರ್ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅವರೂ ಈ ಚಿತ್ರದಲ್ಲಿ ನಟಿಸಲಿದ್ದಾರೆ ಎನ್ನುವುದು ಬಹಿರಂಗವಾಗಿದೆ.
ಚಲನಚಿತ್ರವನ್ನು ನೆಲ್ಸನ್ ದಿಲೀಪ್ ಕುಮಾರ್ ನಿರ್ದೇಶಿಸುತ್ತಿದ್ದು, ಸನ್ ಟಿವಿ ನೆಟ್‌ವರ್ಕ್ ಲಿಮಿಟೆಡ್‌ನ ವಿಭಾಗವಾದ ನಿರ್ಮಾಣ ಸಂಸ್ಥೆಯು ಚಿತ್ರದ ಶೀರ್ಷಿಕೆಯನ್ನು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದು, “#ತಲೈವರ್ 169 #ಜೈಲರ್” ಎಂದು ಪೋಸ್ಟ್ ನಲ್ಲಿ ಬರೆಯಲಾಗಿದೆ.
ನೆಲ್ಸನ್ ತಮ್ಮದೇ ಸ್ಕ್ರಿಪ್ಟ್‌ನಿಂದ ಚಿತ್ರವನ್ನು ನಿರ್ದೇಶಿಸುತ್ತಿದ್ದಾರೆ. “ಜೈಲರ್” ವಿಜಯ್ ನಾಯಕತ್ವದ “ಬೀಸ್ಟ್ ” ನಂತರ ಸನ್ ಪಿಕ್ಚರ್ಸ್ ಜತೆಗಿನ ಅವರ ಎರಡನೇ ಚಿತ್ರವಾಗಿದೆ. ಅನಿರುದ್ಧ್ ರವಿಚಂದರ್ ಈ ಚಿತ್ರಕ್ಕೆ ಸಂಗೀತ ಸಂಯೋಜಿಸಲಿದ್ದಾರೆ.
“ಜೈಲರ್” ಅನ್ನು ಕಲಾನಿಧಿ ಮಾರನ್ ಪ್ರಸ್ತುತಪಡಿಸಿದ್ದಾರೆ. ಚಿತ್ರದ ತಾರಾಗಣ ಮತ್ತು ಕಥಾವಸ್ತುವಿಗೆ ಸಂಬಂಧಿಸಿದ ವಿವರಗಳು ಇನ್ನಷ್ಟೇ ತಿಳಿದು ಬರಬೇಕಿದೆ. ರಜನಿಕಾಂತ್ ಅವರ “ಅಣ್ಣಾತ್ತೆ” 2021 ರಲ್ಲಿ ಬಿಡುಗಡೆಯಾಗಿತ್ತು.
