Rajasthan; ಬೀಡಾಡಿ ಬದಲು ನಿರಾಶ್ರಿತ ಗೋವು ಪದ ಬಳಸಿ

ಜೈಪುರ: ರಾಜಸ್ಥಾನದಲ್ಲಿ ಇನ್ನು ಮುಂದೆ ಬೀಡಾಡಿ ದನಗಳಿಗೆ ಬೀಡಾಡಿ ಎನ್ನುವಂಥ ಪದ ಬಳಕೆ ಮಾಡು ವಂತಿಲ್ಲ ಎಂದು ಅಲ್ಲಿನ ಪಶುಸಂಗೋಪನ ಸಚಿವ ಜೋರಾರಾಮ್‌ ಕುಮಾವತ್‌ ತಿಳಿಸಿದ್ದಾರೆ. ವಿಧಾನಸಭೆ ಯಲ್ಲಿ ಪಶುಸಂಗೋಪನ ಸಚಿವಾಲಯಕ್ಕೆ ಅನುದಾನ ಬಿಡುಗಡೆಗೊಳಿಸುವ ಕುರಿತು ನಡೆಯುತ್ತಿದ್ದ ಚರ್ಚೆ ವೇಳೆ ಸಚಿವರು ಈ ವಿಚಾರ ಪ್ರಸ್ತಾವಿಸಿದ್ದಾರೆ. ರಾಜ್ಯ ಸರಕಾರವು ಗೋವು ರಕ್ಷಣೆಗೆ ಬದ್ಧವಾಗಿದ್ದು, ಈ ನಿಟ್ಟಿ ನಲ್ಲಿ ಹಲವು ಕ್ರಮಗಳನ್ನೂ ಕೈಗೊಂಡಿದೆ. ಇನ್ನು ಮುಂದೆ ಬೀದಿಯಲ್ಲಿರುವಂಥ ಹಸು ಬೀಡಾಡಿ ಎನ್ನುವಂತಿಲ್ಲ. ಬದಲಿಗೆ ನಿರಾಶ್ರಿತ ಗೋವುಗಳು ಎಂದೇ ಕರೆಯಲಾಗುವುದು ಎಂದಿದ್ದಾರೆ.