ರಾಜಕಾಲುವೆಯ ಪಥ ಬದಲಾವಣೆ ಪಾಲಿಕೆ ಸದಸ್ಯೆ, ಅಧಿಕಾರಿ ಪರಿಶೀಲನೆ 

ಮಹದೇವಪುರ: ವೈಟ್‌ಫೀಲ್ಡ್‌ ಸಮೀ ಪದ ತೂಬರಹಳ್ಳಿ ಬಳಿ ಸಿದ್ದಾಪುರ ಕೆರೆಯಿಂದ ವರ್ತೂರು ಕೆರೆಗೆ ಸಂಪರ್ಕ ಕಲ್ಪಿಸುವ ರಾಜಕಾಲುವೆಯ ಮಾರ್ಗವನ್ನು ಬದಲಿಸಿ ಕೆಲ ಪಟ್ಟಭದ್ರರರು ವಾಣಿಜ್ಯ ಸಂಕೀರ್ಣ ನಿರ್ಮಿಸುತ್ತಿದ್ದು, ಈ ಬಗ್ಗೆ ಪಾಲಿಕೆಯ ಸ್ಥಳೀಯ ಅಕಾರಿಗಳು ಠಾಣೆಗೆ ದೂರು ನೀಡಿದ್ದರೂ, ಕಟ್ಟಡ ನಿರ್ಮಾಣ ಕಾರ್ಯ ಮುಂದುವರಿದ ಹಿನ್ನೆಲೆಯಲ್ಲಿ ಸ್ಥಳೀಯ ಪಾಲಿಕೆ ಸದಸ್ಯೆ ಶ್ವೇತಾ ವಿಜಯ್‌ಕುಮಾರ್‌ ಮತ್ತು ಬಿಬಿಎಂಪಿ  ನೀರುಗಾಲುವೆ ಅಕಾರಿಗಳು ಮಂಗಳವಾರ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. 

ರಾಜಕಾಲುವೆ ಪಥ ಬದಲಿಸಿ ಕಟ್ಟಡ ನಿರ್ಮಿಸುತ್ತಿದ್ದ ಬಗ್ಗೆ ಕೇಳಿ ಬಂದಿದ್ದ ಆರೋಪಗಳ ಹಿನ್ನೆಲೆಯಲ್ಲಿ ಕಳೆದ ಹದಿನೈದು ದಿನಗಳ ಹಿಂದೆಯೇ ಪಾಲಿಕೆಯ ಸ್ಥಳೀಯ ಅಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದ್ದರು. ಮೇಲ್ನೋಟಕ್ಕೆ ಅಕ್ರಮ ಕಂಡು ಬಂದ ಹಿನ್ನೆಲೆಯಲ್ಲಿ ಆರೋಪಿಗಳ ವಿರುದ್ಧ ವರ್ತೂರು ಠಾಣೆಯಲ್ಲಿ ದೂರು ಕೂಡ ನೀಡಿದ್ದರು.

ಹೀಗಾದರೂ, ಕಟ್ಟಡ ನಿರ್ಮಾಣ ಕಾಮಗಾರಿ ಮುಂದುವರೆದಿತ್ತು. ಈ ಹಿನ್ನೆಲೆಯಲ್ಲಿ ಕಾರ್ಪೋರೇಟರ್‌ ಮತ್ತು ಅಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿದ್ದರು. ಈ ವೇಳೆ ಮಾತನಾಡಿದ ಸ್ಥಳೀಯ ಪಾಲಿಕೆ ಸದಸ್ಯೆ ಶ್ವೇತ ವಿಜಯ್‌ ಕುಮಾರ್‌, “ರಾಜಕಾಲುವೆ ಮಾರ್ಗ ಬದಲಿಸಲು ಸಂಚು ರೂಪಿಸಿರುವ ಅಕ್ರಮ ಬೆಳಕಿಗೆ ಬಂದಿದೆ. ಈ ಬಗ್ಗೆ ಸಂಬಂದಪಟ್ಟ ಅಕಾರಿಗಳಿಗೆ ದೂರು ನೀಡಿ ಕ್ರಮ ಕೈಗೊಳ್ಳುತ್ತೇವೆ,” ಎಂದು ತಿಳಿಸಿದರು.  

ಪಾಲಿಕೆಯ ಬೃಹತ್‌ ನಿರುಗಾಲುವೆ ಇಂಜಿನಿಯರ್‌ ಪಾಂಡುರಂಗಯ್ಯ “ರಾಜಕಾಲುವೆ ಮಾರ್ಗ ಬದಲಾವಣೆಗೆ ಯಾವುದೇ ಕಾರಣಕ್ಕೂ ಅವಕಾಶ ನೀಡುವುದಿಲ್ಲ. ಕೂಡಲೇ ಸರ್ವೇ ಮಾಡಿಸಿ ರಾಜಕಾಲುವೆಗೆ ಹದ್ದುಬಸ್ತು ಗುರುತಿಸಲಾಗುವುದು,” ಎಂದು ತಿಳಿಸಿದರು.