ಶೀಘ್ರವೇ ಸಿನೆ ಲೋಕಕ್ಕೆ ರಾಜ್‌ ಕುಂದ್ರಾ ಎಂಟ್ರಿ?

ಮುಂಬಯಿ: ಅಶ್ಲೀಲ ಚಿತ್ರ ನಿರ್ಮಾಣದ ಆರೋಪದ ಮೇರೆಗೆ ಜೈಲು ಸೇರಿ ಸುದ್ದಿಯಾಗಿದ್ದ ಖ್ಯಾತ ನಟಿ ಶಿಲ್ಪಾಶೆಟ್ಟಿ ಅವರ ಪತಿ ರಾಜ್‌ ಕುಂದ್ರಾ, ಈಗ ತಮ್ಮ ಜೈಲಿನ ಅನುಭವಗಳನ್ನೇ ಆಧರಿಸಿ ಸಿನೆಮಾ ಮಾಡಲು ಮುಂದಾಗಿದ್ದು, ಶೀಘ್ರವೇ ಸಿನೆ ಲೋಕಕ್ಕೆ ಪದಾರ್ಪಣೆ ಮಾಡಲಿದ್ದಾರೆ ಎನ್ನಲಾಗಿದೆ.

2021ರಲ್ಲಿ ತಮ್ಮ ವಿರುದ್ಧದ ಅಶ್ಲೀಲ ಚಿತ್ರ ನಿರ್ಮಾಣ ಹಗರಣದ ಆರೋಪದಿಂದ ಕುಂದ್ರಾ ಮುಂಬಯಿಯ ಆರ್ಥರ್‌ ರಸ್ತೆ ಜೈಲು ಸೇರಿದ್ದರು. ಬಳಿಕ ಎಫ್ಐಆರ್‌, ಜಾಮೀನು ಹೋರಾಟ, ಮಾಧ್ಯಮ ವರದಿ ಸಹಿತ ಅವರು ಅನುಭವಿಸಿದ ಪ್ರತಿ ಅನುಭವಗಳನ್ನೂ ಆಧರಿಸಿ ಈಗ ಸಿನೆಮಾ ಮಾಡುತ್ತಿದ್ದಾರೆ.

ಸದ್ಯಕ್ಕೆ ಸಿನೆಮಾ ನಿರ್ದೇಶಕರ ಬಗ್ಗೆ ಮಾಹಿತಿ ನೀಡಿಲ್ಲವಾದರೂ, ಕಥೆ, ಸಂಭಾಷಣೆ, ಎಲ್ಲದರಲ್ಲೂ ಕುಂದ್ರಾ ಮುಂದಾಳತ್ವ ವಹಿಸಿದ್ದಾರೆ. ಶೀಘ್ರವೇ ಈ ಬಗ್ಗೆ ಮಾಹಿತಿ ಹೊರಬೀಳಲಿದೆ ಎಂದು ತಿಳಿದುಬಂದಿದೆ.