ಮೋದಿ ತಾಯಿ ವಯಸ್ಸನ್ನು ರೂಪಾಯಿ ದರಕ್ಕೆ ಹೋಲಿಸಿದ ಬಬ್ಬರ್‌

ಹೊಸದಿಲ್ಲಿ : ಹಿರಿಯ ಕಾಂಗ್ರೆಸ್‌ ನಾಯಕ ರಾಜ್‌ ಬಬ್ಬರ್‌ ಅವರು ಪ್ರಧಾನಿ ನರೇಂದ್ರ ಮೋದಿ ಅವರ ಆಡಳಿತೆಯಲ್ಲಿ ಕುಸಿಯುತ್ತಿರುವ ರೂಪಾಯಿ ದರವನ್ನು ಅವರ ತಾಯಿಯ ವಯಸ್ಸಿಗೆ ಹೋಲಿಸಿರುವುದು ಕಾಂಗ್ರೆಸ್‌ ಪಕ್ಷಕ್ಕೆ ಇರಿಸು ಮುರಿಸು ಉಂಟು ಮಾಡಿದೆ. 

ಕುಸಿಯುತ್ತಿರುವ ರೂಪಾಯಿ ದರ ಪ್ರಧಾನಿ ಮೋದಿ ಅವರ ತಾಯಿಯ ವಯಸ್ಸಿನ ಸಂಖ್ಯೆಯನ್ನು ಸಮೀಪಿಸುತ್ತಿದೆ ರಾಜ್‌ ಬಬ್ಬರ್‌ ತಮ್ಮ ಚುನಾವಣಾ ಪ್ರಚಾರ ಭಾಷಣದಲ್ಲಿ ಹೇಳಿರುವುದು ಕಾಂಗ್ರೆಸ್‌ ಗೆ ಜನಮನದಲ್ಲಿ ತಿರುಗು ಬಾಣವಾಗುವುದನ್ನು ಪಕ್ಷದ ಇತರ ನಾಯಕರು ಶಂಕಿಸಿದ್ದಾರೆ.

ಮಾಜಿ ಪ್ರಧಾನಿ ಮನಮೋಹನ್‌ ಸಿಂಗ್‌ ಅವರನ್ನು ಯುಪಿಎ ಆಡಳಿತೆಯ ವೇಳೆ ಟೀಕಿಸಲು ಪಿಎಂ ಮೋದಿ ಆಯ್ಕೆ ಮಾಡಿರುವ ಪದಗಳನ್ನು ಖಂಡಿಸಿರುವ ರಾಜ್‌ ಬಬ್ಬರ್‌, ತಾನೀಗ ಮೋದಿಯವರ ತಾಯಿಯ ವಯಸ್ಸಿನ ಸಂಖ್ಯೆಯತ್ತ ಕುಸಿಯುತ್ತಿರುವ ರೂಪಾಯಿ ದರ ಮುಖ ಮಾಡಿರುವುದಾಗಿ ಹೇಳಿರುವುದನ್ನು ಸಮರ್ಥಿಸಿಕೊಂಡಿದ್ದಾರೆ. 

ಹಾಗಿದ್ದರೂ ಬಿಜೆಪಿ ನಾಯಕರು ರಾಜ್‌ ಬಬ್ಬರ್‌ ತಮ್ಮ ಕಳಪೆ ಅಭಿರುಚಿಯ ಮಾತಿಗೆ ಕ್ಷಮೆಯಾಚಿಸಬೇಕೆಂದು ಆಗ್ರಹಿಸಿದ್ದಾರೆ.