ಬಿಟ್ಟು ಬಿಡದೇ ಮಳೆ: ರೈತರಲ್ಲಿ ಹೆಚ್ಚಿಸಿದ ಆತಂಕ

ಮಸ್ಕಿ: ಹವಾಮಾನ ವೈಪರೀತ್ಯದಿಂದಾಗಿ ಕಳೆದ ಒಂದು ವಾರದಿಂದ ಬಿಟ್ಟು ಬಿಡದಂತೆ ಸುರಿಯುತ್ತಿರುವ ಮಳೆ ಹಾಗೂ ಶೀತಗಾಳಿಗೆ ಹಿಂಗಾರಿ ಬೆಳೆಗಳು ಹಾಳಾಗುತ್ತಿದ್ದು, ರೈತರಲ್ಲಿ ಆತಂಕ ಮೂಡಿದೆ.

ತಾಲೂಕಿನ ಬಳಗಾನೂರು, ಗೌಡನಬಾವಿ, ಸುಂಕನೂರು, ಉದಾºಳ, ಕಡಬೂರು, ಕ್ಯಾತ್ನಟ್ಟಿ, ಹಾಲಾಪೂರು, ಮುದ್ದಾಪೂರ, ಹಾರಾಪೂರ, ಹಸ್ಮಕಲ್‌, ಕೋಳಬಾಳ, ಕಣ್ಣೂರು ಸೇರಿದಂತೆ ಹಲವು ಗ್ರಾಮಗಳಲ್ಲಿ ಭತ್ತದ ಬೆಳೆ ಸಂಪೂರ್ಣ ಹಾಳಾಗಿದೆ. ಮಳೆ-ಗಾಳಿಗೆ ಭತ್ತ ನೆಲಕ್ಕೆ ಉರುಳಿದ ಪರಿಣಾಮ ಕಟಾವಿಗೆ ಬಂದ ಭತ್ತದ ಬೆಳೆ ಹಾಳಾಗಿದೆ. ಇನ್ನು ತೊಗರಿ, ಕಡಲಿ ಬೆಳೆಗಳಿಗೆ ಕೀಟ ಬಾಧೆ ಆವರಿಸಿದ್ದು, ಅಕಾಲಿಕ ಮಳೆಯಿಂದ ರೈತ ಸಮುದಾಯವನ್ನು ಮತ್ತಷ್ಟು ಸಂಕಷ್ಟಕ್ಕೆ ದೂಡಿದಂತಾಗಿದೆ.

ತಾಲೂಕಿನಲ್ಲಿ ಕಳೆದೆರಡು ದಿನಗಳಿಂದ ಸುರಿಯುತ್ತಿರುವ ಮಳೆಗೆ ಸಾಕಷ್ಟು ಬೆಳೆ ನಷ್ಟವಾಗಿದೆ. ಇದರಿಂದ ರೈತರು ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಆದ್ದರಿಂದ ಜಿಲ್ಲಾಡಳಿತ ಕೂಡಲೇ ರೈತರ ನೆರವಿಗೆ ಧಾವಿಸಬೇಕು. ನಷ್ಟವಾದ ಬೆಳೆಗಳ ಸಮೀಕ್ಷೆ ನಡೆಸಿ ಪರಿಹಾರ ನೀಡಬೇಕು ಎಂದು ರೈತ ಸಮುದಾಯ ಆಗ್ರಹಿಸಿದೆ.