ರೈಲ್ವೇ ಸೇವೆಗಳ ವಿಲೀನ ವಿರೋಧಿಸಿ ಬೃಹತ್‌ ಮನವಿ

ಹೊಸದಿಲ್ಲಿ: ರೈಲ್ವೇ ಸೇವೆಗಳನ್ನು ವಿಲೀನಗೊಳಿಸುವ ನಿರ್ಧಾರವನ್ನು ವಿರೋಧಿಸಿ ದೇಶಾದ್ಯಂತ 13 ವಲಯ, 60 ವಿಭಾಗೀಯ ಅಧಿಕಾರಿಗಳು ಪ್ರತಿಭಟಿಸಿದ್ದಾರೆ. ರೈಲ್ವೇ ಇಲಾಖೆಯ ಈ ನಿರ್ಧಾರವು ಅವೈಜ್ಞಾನಿಕ ಹಾಗೂ ರೈಲುಗಳ ನಿರ್ವಹಣಾ ಭದ್ರತೆ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರುತ್ತದೆ.

ಅಲ್ಲದೇ 2,500 ಸಿವಿಲ್‌ ಸರ್ವೀಸ್‌ ಅಧಿಕಾರಿಗಳಿಗೆ ತೊಂದರೆ ಆಗಲಿದೆ. ಹೀಗಾಗಿ ಯಾವುದೇ ಕಾರಣಕ್ಕೂ ರೈಲ್ವೇ ಸೇವೆಗಳನ್ನು ವಿಲೀನ ಮಾಡಬಾರದು ಎಂದು ಆಗ್ರಹಿಸಿ, 250 ಪುಟಗಳ ದೊಡ್ಡ ಮನವಿ ಪತ್ರವನ್ನು ರೈಲ್ವೇ ಇಲಾಖೆ, ರೈಲ್ವೇ ಸಚಿವ, ಸಾಂಖ್ಯಿಕ ಸಿಬಂದಿ, ತರಬೇತಿ ಸಚಿವಾಲಯ, ಸಚಿವ ಸಂಪುಟ ಕಾರ್ಯದರ್ಶಿ ಹಾಗೂ ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ಸಲ್ಲಿಸಿದ್ದಾರೆ. ರೈಲ್ವೇ ಸುಧಾರಣೆ ಸಂಬಂಧ ಹಲವು ಸೇವೆಗಳನ್ನು ವಿಲೀನಗೊಳಿಸುವುದಾಗಿ ರೈಲ್ವೇ ಇಲಾಖೆ ಘೋಷಿಸಿತ್ತು.