ಹೊಸದಿಲ್ಲಿ: ಖ್ಯಾತ ಗಾಯಕ ರಾಹತ್ ಪತೇಹ್ ಅಲಿ ಖಾನ್ ಅವರು ವ್ಯಕ್ತಿಯೋರ್ವನಿಗೆ ಚಪ್ಪಲಿಯಲ್ಲಿ ಹೊಡೆದ ವಿಡಿಯೋ ಇದೀಗ ವೈರಲ್ ಆಗಿದೆ. ಗಾಯಕ ಆ ವ್ಯಕ್ತಿಯನ್ನು ಬಾಟಲಿಯ ಬಗ್ಗೆ ಕೇಳುತ್ತಿರುವುದು ವಿಡಿಯೋದಲ್ಲಿ ದಾಖಲಾಗಿದೆ.
ವೀಡಿಯೊದಲ್ಲಿ, ರಾಹತ್ ಫತೇಹ್ ಅಲಿ ಖಾನ್ ಕಪ್ಪು ಕುರ್ತಾವನ್ನು ಧರಿಸಿದ್ದು, ವ್ಯಕ್ತಿಯನ್ನು ಪದೇ ಪದೇ ಹೊಡೆಯುತ್ತಿರುವುದನ್ನು ಕಾಣಬಹುದು.
ನಂತರ ಮತ್ತೊಂದು ವೀಡಿಯೊದಲ್ಲಿ, ರಾಹತ್ ಫತೇಹ್ ಅಲಿ ಖಾನ್ ವೈರಲ್ ವೀಡಿಯೊದ ಬಗ್ಗೆ ಸ್ಪಷ್ಟಪಡಿಸಿದರು, ತನ್ನ ವಿದ್ಯಾರ್ಥಿ ಮಾಡಿದ ತಪ್ಪಿಗೆ ಶಿಕ್ಷೆಗೆ ಗುರಿಯಾಗಿದ್ದಾನೆ, ಆದರೆ ನಂತರ ಅವರು ಆತನ ಬಳಿ ಕ್ಷಮೆಯಾಚಿಸಿದ್ದಾರೆ.
ಥಳಿತಕ್ಕೊಳಗಾದ ವ್ಯಕ್ತಿ, ತಾನು ‘ದಮ್ ಕಿಯಾ ಹುವಾ ಪಾನಿ’ (ಪವಿತ್ರ ನೀರು) ಹೊಂದಿರುವ ಬಾಟಲಿಯನ್ನು ಎಲ್ಲೋ ತಪ್ಪಾಗಿ ಇರಿಸಿದ್ದೇನೆ ಎಂದು ಹೇಳಿದರು. “ವಿಡಿಯೋ ವೈರಲ್ ಮಾಡಿದವರು ನನ್ನ ಉಸ್ತಾದ್ ನ ಮಾನಹಾನಿ ಮಾಡಲು ಪ್ರಯತ್ನಿಸುತ್ತಿದ್ದಾರೆ” ಎಂದು ವ್ಯಕ್ತಿ ಹೇಳಿದರು.
ಮತ್ತೊಂದು ವೀಡಿಯೊದಲ್ಲಿ, ಆ ವ್ಯಕ್ತಿ ತನ್ನ ಮಾಸ್ಟರ್ ರಾಹತ್ ಫತೇಲ್ ಅಲಿ ಖಾನ್ ಕ್ಷಮೆ ಕೇಳಿದ್ದಾರೆ, ನನಗೆ ಯಾವುದೇ ದೂರುಗಳಿಲ್ಲ ಎಂದು ಹೇಳಿದರು. “ಉಸ್ತಾದ್ ಜೀ ಬಂದು ನನ್ನಲ್ಲಿ ಕ್ಷಮೆ ಕೇಳಿದರು. ಅವರು ನನ್ನ ತಂದೆ, ಮುರ್ಷಿದ್, ಗುರು. ತಂದೆ ತನ್ನ ಮಗನನ್ನು ಶಿಕ್ಷಿಸುವುದರಲ್ಲಿ ಯಾವುದೇ ತಪ್ಪಿಲ್ಲ. ಈ ವಿಡಿಯೋ ವಿವಾದ ಸೃಷ್ಟಿಸುವುದು ನನ್ನ ಉಸ್ತಾದ್ ಅವರನ್ನು ಬ್ಲಾಕ್ ಮೇಲ್ ಮಾಡುವ ವಿಧಾನವಾಗಿದೆ ಎಂದರು.
