ಈಗ ರಫೇಲ್‌ ಪೋಸ್ಟರ್‌ : ರಾಹುಲ್‌ ರಾಮ, ಪ್ರಧಾನಿ ಮೋದಿ ರಾವಣ

ಭೋಪಾಲ್‌ : ಲೋಕಸಭಾ ಚುನಾವಣೆ ಸನ್ನಿಹಿತವಾಗುತ್ತಿರುವಂತೆಯೇ ದೇಶದ ಎರಡು ಪ್ರಮುಖ ರಾಜಕೀಯ ಪಕ್ಷಗಳ ನಡುವೆ ಪೋಸ್ಟರ್‌ ವಾರ್‌ ತೀವ್ರಗೊಳ್ಳುತ್ತಿದೆ.

ಇದೀಗ ಮಧ್ಯ ಪ್ರದೇಶದ ರಾಜಧಾನಿ ಭೋಪಾಲ್‌ ನಲ್ಲಿ ಹೊಸ ಪೋಸ್ಟರ್‌ ಒಂದು ರಾರಾಜಿಸುತ್ತಿದೆ. ಇದರಲ್ಲಿ ರಾಹುಲ್‌ ಗಾಂಧಿಯನ್ನು ರಾಮನಾಗಿಯೂ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಹತ್ತು ತಲೆಯ ರಾವಣನಾಗಿಯೂ ತೋರಿಸಲಾಗಿದೆ. 

ಈ ಪೋಸ್ಟರ್‌ ಮೂಲಕ ಆಳುವ ಬಿಜೆಪಿ ವಿರುದ್ಧ ಕಾಂಗ್ರೆಸ್‌ ರಫೇಲ್‌ ಫೈಟರ್‌ ಜೆಟ್‌ ಡೀಲ್‌ ಬಗ್ಗೆ ಸಮರ ನಿರತವಾಗಿರುವುದು ಸ್ಪಷ್ಟವಿದೆ. 

ಈ ಪೋಸ್ಟರ್‌ನಲ್ಲಿ ಪಿಎಂ ಮೋದಿ ರಫೇಲ್‌ ಜೆಟ್‌ ಮೇಲೆ ನಿಂತಿರುವುದನ್ನು ಕಾಣಿಸಲಾಗಿದ್ದು ಚಿತ್ರ ಕೆಳಗೆ ಒಂದು ಬರಹವಿದೆ : ವಾಚ್‌ ಮ್ಯಾನ್‌ ಈಸ್‌ ದಿ ಥೀಫ್’ ! ಈ ಪೋಸ್ಟರನ್ನು ಸೂರಜ್‌ ತಿವಾರಿ ಫ್ಯಾನ್ಸ್‌ ಕ್ಲಬ್‌ ಹಾಕಿರುವುದಾಗಿ ತಿಳಿಯಲಾಗಿದೆ.