ಸದ್ಯ ಕನ್ನಡ ಚಿತ್ರರಂಗದಲ್ಲಿ ಬಿಝಿಯಾಗಿರುವ ನಟಿ ಎಂದರೆ ಅದು ರಚಿತಾ ರಾಮ್. ಕೈ ತುಂಬಾ ಸಿನೆಮಾಗಳ ಮೂಲಕ ಸದ್ದು ಮಾಡುತ್ತಿರುವ ರಚಿತಾ ರಾಮ್ ಈಗ ಸಿಕ್ಕಾಪಟ್ಟೆ ಖುಷಿ ಮತ್ತು ನಿರೀಕ್ಷೆಯೊಂದಿಗೆ ಎದುರು ನೋಡುತ್ತಿದ್ದಾರೆ. ಅದಕ್ಕೆ ಕಾರಣ, ಅವರು ನಟಿಸಿರುವ ಸಿನೆಮಾಗಳ ಬಿಡುಗಡೆ. ಹೌದು, ಡಿಸೆಂಬರ್‌ ಕೊನೆಯ ವಾರದಿಂದಲೇ ರಚಿತಾ ರಾಮ್ ನಾಯಕಿಯಾಗಿ ನಟಿಸಿರುವ ಮೂರು ಸಿನೆಮಾಗಳು ಒಂದರ ಹಿಂದೊಂದರಂತೆ ಬಿಡುಗಡೆಗೆ ಸಿದ್ಧವಾಗಿವೆ. ಹೀಗಿರುವಾಗ ಯಾವ ನಟಿ ತಾನೆ ಖುಷಿಯಾಗಿರಲ್ಲ ಹೇಳಿ? ರಚಿತಾ ನಟಿಸಿರುವ ಸೀತಾರಾಮ ಕಲ್ಯಾಣ, ನಟಸಾರ್ವಭೌಮ ಹಾಗೂ ಐ ಲವ್‌ ಯೂ ಚಿತ್ರಗಳು ಒಂದರ ಹಿಂದೊಂದರಂತೆ ತೆರೆಕಾಣಲಿವೆ. ಈಗಾಗಲೇ ಸೀತಾರಾಮ ಕಲ್ಯಾಣ ಹಾಗೂ ನಟಸಾರ್ವಭೌಮ ಚಿತ್ರಗಳ ಚಿತ್ರೀಕರಣ ಮುಗಿದಿದ್ದು, ಐ ಲವ್‌ ಯೂ ಕೊನೆಯ ಹಂತದಲ್ಲಿದೆ. ಇಲ್ಲಿ ಗಮನಿಸಬೇಕಾದ ಅಂಶವೆಂದರೆ ಮೂರು ಕೂಡ ದೊಡ್ಡ ಬಜೆಟ್‌ನ ಸಿನೆಮಾಗಳು. ಈ ಮೂರು ಸಿನೆಮಾಗಳಲ್ಲೂ ರಚಿತಾ ಅವರಿಗೆ ವಿಭಿನ್ನವಾದ ಪಾತ್ರ ಸಿಕ್ಕಿದೆಯಂತೆ. ನಿಖೀಲ್‌ ಕುಮಾರ್‌ ನಾಯಕರಾಗಿರುವ ಸೀತಾರಾಮ ಕಲ್ಯಾಣದಲ್ಲಿ ರಚಿತಾ ಪಾತ್ರ ಕಾಮಿಡಿ ಹಿನ್ನೆಲೆ ಯಲ್ಲಿ ಸಾಗಿದರೆ, ನಟಸಾರ್ವಭೌಮದಲ್ಲಿ ನಾಯಕ ಪ್ರೀತಿಯ ಹುಡುಗಿಯಾಗಿ ಕ್ಯೂಟ್‌ ಆಗಿ ಕಾಣಿಸಿಕೊಂಡಿ ದ್ದಾರಂತೆ. ಇನ್ನು, ಆರ್‌. ಚಂದ್ರು ನಿರ್ಮಾಣ, ನಿರ್ದೇಶನದ ಐ ಲವ್‌ ಯೂ ಸಿನೆಮಾದಲ್ಲಿ ಸಖತ್‌ ಬೋಲ್ಡ್‌ ಆಗಿರುವಂತಹ ನಾಯಕನಿಗೆ ಸರಿಸಮವಾದ ಪಾತ್ರ ಸಿಕ್ಕಿದೆ. ರಚಿತಾ ಕೂಡಾ ಈ ಪಾತ್ರದಿಂದ ಎಕ್ಸೆ„ಟ್‌ ಆಗಿದ್ದು, ಡೈಲಾಗ್‌ ಜೊತೆಗೆ ಸಖತ್‌ ಗ್ಲಾಮರಸ್‌ ಆಗಿಯೂ ಕಾಣಿಸಿಕೊಂಡಿ ದ್ದಾರೆ. ಈ ನಡುವೆಯೇ ರಚಿತಾ ನಾಯಕಿಪ್ರಧಾನ ಚಿತ್ರ ಏಪ್ರಿಲ್‌ನಲ್ಲಿ ನಟಿಸುತ್ತಿದ್ದಾರೆ. ಇದು ನೈಜ ಘಟನೆಯೊಂದನ್ನು ಆಧರಿಸಿದ ಕಥೆ. ಚಿತ್ರದಲ್ಲಿ ರಚಿತಾಗೆ ಅವರು ಏಪ್ರಿಲ್‌ ಡಿಸೋಜಾ ಎನ್ನುವ ಪಾತ್ರ. “”ಚಿತ್ರರಂಗಕ್ಕೆ ಬಂದು ಐದು ವರ್ಷ ಆಗಿದೆ. ಇದು ಆರನೆಯ ವರ್ಷ. ಖುಷಿಯ ವಿಚಾರವೆಂದರೆ, ಐದು ವರ್ಷದ ಹಿಂದೆ ಜರ್ನಿ ಆರಂಭಿಸಿದಾಗ ಹೇಗಿದ್ದೇನೋ ಇವತ್ತಿಗೂ ಅದೇ ರೀತಿ ಸಾಗಿದೆ. ಎಲ್ಲೂ ಡೌನ್‌ಫಾಲ್‌ ಆಗಿಲ್ಲ. ದೇವರ ಆಶೀರ್ವಾದ, ಜನರ ಪ್ರೀತಿ, ಮೀಡಿಯಾದವರ ಸಹಕಾರದಿಂದ ಇಷ್ಟು ವರ್ಷದ ಜರ್ನಿ ತುಂಬಾ ಚೆನ್ನಾಗಿ ನಡೆದುಕೊಂಡು ಬಂದಿದೆ”
