Advertisement

BMW ಕಾರಿಗೆ ಬೆಂಕಿ :ರೇಸರ್‌ ಅಶ್ವಿ‌ನ್‌,ಪತ್ನಿ ಸಜೀವ ದಹನ 

10:18 AM Mar 18, 2017 | |

ಚೆನ್ನೈ:  ಚಲಿಸುತ್ತಿರುವಾಗಲೇ ಬಿಎಂಡಬ್ಲ್ಯೂ ಕಾರು ಹೊತ್ತಿ ಉರಿದ ಪರಿಣಾಮ  ರೇಸರ್‌ ಅಶ್ವಿ‌ನ್‌ ಸುಂದರ್‌ ಮತ್ತು ಪತ್ನಿ ನಿವೇದಿತಾ ಸಜೀವವಾಗಿ ದಹನಗೊಂಡು ದುರ್ಮರಣಕ್ಕೀಡಾಗಿರುವ ಭೀಕರ ದುರಂತ ಶನಿವಾರ ಬೆಳಗ್ಗೆ ನಡೆದಿದೆ.

Advertisement

ಬೆಳಗಿನ ಜಾವ 3.30 ರ ವೇಳಗೆ ಪಟ್ಟಿನಾಂಪಕ್ಕಂ ಎಂಬಲ್ಲಿ ಅವಘಡ ನಡೆದಿದ್ದು ,ಇಬ್ಬರು ಪ್ರಯಾಣಿಸುತ್ತಿದ್ದ ಕಾರು ನಿಯಂತ್ರಣ ತಪ್ಪಿ ಮರವೊಂದಕ್ಕೆ ಗುದ್ದಿ ಇದ್ದಕ್ಕಿದ್ದಂತೆ ಹೊತ್ತಿ ಉರಿದಿದೆ. ಕಾರಿನಲ್ಲಿದ್ದ ಅಶ್ವಿ‌ನ್‌ ಮತ್ತು ಪತ್ನಿಗೆ ಹೊರಬರಲು ಸಾಧ್ಯವಾಗದೆ ಸಜೀವವಾಗಿ ದಹನಗೊಂಡಿದ್ದಾರೆ ಎಂದು ಹೇಳಲಾಗಿದೆ.

ದುಬಾರಿ ಕಾರಿಗೆ ಬೆಂಕಿ ಹೊತ್ತಿಕೊಂಡದ್ದನ್ನು ಗಮನಿಸಿದರೂ  ಯಾರೊಬ್ಬರಿಂದಲೂ ಬೆಂಕಿಯನ್ನು ನಿಯಂತ್ರಿಸುವುದು ಅಸಾಧ್ಯವಾಗಿತ್ತು ಎಂದು ವರದಿಯಾಗಿದೆ.ಕಾರು ಸಂಪೂರ್ಣವಾಗಿ ಭಸ್ಮವಾಗಿದೆ. 

ಜನರು ಬೆಳಗಿನ ಜಾವ ಕಾರು ಹೊತ್ತಿ ಉರಿಯುತ್ತಿರುವುದನ್ನು ಚಿತ್ರೀಕರಿಸುವುದರಲ್ಲಿ ನಿರತರಾಗಿದ್ದರು ಎಂದು ವರದಿಯಾಗಿದೆ. 

32 ರ ಹರೆಯದ ಅಶ್ವಿ‌ನ್‌ ಅವರು ಅಪ್ರತಿಮ ಕಾರ್‌ ರೇಸರ್‌ ಆಗಿದ್ದು ,2003 ರಲ್ಲಿ ಎಂಆರ್‌ಎಫ್ ಫಾರ್ಮುಲಾ ಮಾಂಡಿನಲ್‌ ನ್ಯಾಷನ್‌ಲ್‌ ಚಾಂಪಿಯನ್‌ ಆಗಿದ್ದರು. ಎಫ್4 ನಲ್ಲೂ ನ್ಯಾಷನಲ್‌ ಚಾಂಪಿಯನ್‌ ಆಗಿ ಅಶ್ವಿ‌ನ್‌ ಹೊರ ಹೊಮ್ಮಿದ್ದರು. 

Advertisement

ಅಶ್ವಿ‌ನ್‌ ದಂಪತಿಗಳ ದುರ್ಮರಣಕ್ಕೆ ಅಪಾರ ಅಭಿಮಾನಿಗಳು ಕಂಬನಿ ಮಿಡಿದಿದ್ದಾರೆ. 

ಹೆಚ್ಚಿನ ವಿವರ ನಿರೀಕ್ಷಿಸಲಾಗುತ್ತಿದೆ. 

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next