ಕೊಹ್ಲಿ,ಅಶ್ವಿ‌ನ್‌,ಜಡೇಜ ಕೌಂಟಿ ಕ್ರಿಕೆಟ್‌ಗೆ?

ನವದೆಹಲಿ: ಭಾರತ ಕ್ರಿಕೆಟ್‌ ತಂಡದ ನಾಯಕ ವಿರಾಟ್‌ ಕೊಹ್ಲಿ, ಆರ್‌.ಅಶ್ವಿ‌ನ್‌ ಹಾಗೂ ರವೀಂದ್ರ ಜಡೇಜ ಈ ವರ್ಷಾಂತ್ಯದಲ್ಲಿ ಕೌಂಟಿ ಕ್ರಿಕೆಟ್‌ನಲ್ಲಿ ಆಡುವ ಸಾಧ್ಯತೆ ಇದೆ. ಹೀಗೆಂದು ಆಂಗ್ಲ ಮಾಧ್ಯಮಗಳು ವರದಿ ಮಾಡಿದೆ. 

ವರ್ಸೆಸ್ಟರ್‌ಶೈರ್‌ ತಂಡ ಈಗಾಗಲೇ ಅಶ್ವಿ‌ನ್‌ ಹಾಗೂ ಜಡೇಜ ಜತೆ ಮಾತುಕತೆ ನಡೆಸಿದೆ ಎನ್ನಲಾಗಿದೆ. ಈ ಬಗ್ಗೆ ಅಧಿಕೃತವಾಗಿ ಇನ್ನೂ ಯಾವ ವಿಷಯವೂ ಪ್ರಕಟವಾಗಿಲ್ಲ. ಹೀಗಿದ್ದರೂ ಇವರಿಬ್ಬರು ಕೌಂಟಿ ತಂಡವನ್ನು ಕೂಡಿಕೊಳ್ಳುವುದು ಬಹುತೇಕ ಖಚಿತ ಎನ್ನಲಾಗಿದೆ. ಜತೆಗೆ ಭಾರತ ನಾಯಕ ವಿರಾಟ್‌ ಕೊಹ್ಲಿಯನ್ನು ಸೆಳೆದುಕೊಳ್ಳಲು ಕೌಂಟಿ ತಂಡಗಳಿಂದ ಪ್ರಯತ್ನ ನಡೆದಿದೆ ಎನ್ನಲಾಗಿದೆ. ಮುಂದಿನ ವರ್ಷ ಇಂಗ್ಲೆಂಡ್‌ನ‌ಲ್ಲಿ ಭಾರತ ಸರಣಿ ಆಡಲಿದೆ. ಸದ್ಯ ಕೌಂಟಿ ಕ್ರಿಕೆಟ್‌ ಆಡುವುದರಿಂದ ಭಾರತೀಯ  ಆಟಗಾರರಿಗೆ ಹೆಚ್ಚಿನ ರೀತಿಯಲ್ಲಿ ಅನುಕೂಲಗಳು ಆಗುವ ಸಾಧ್ಯತೆ ಇದೆ.