ಬ್ರಿಟನ್‌ ದೊರೆ ಚಾರ್ಲ್ಸ್‌ ಪತ್ನಿ ಕ್ಯಾಮಿಲ್ಲಾಗೆ ಕೋವಿಡ್ ಸೋಂಕು ದೃಢ

ಲಂಡನ್‌ : ಬ್ರಿಟನ್‌ ದೊರೆ, ಮೂರನೇ ಚಾರ್ಲ್ಸ್‌ ಅವರ ಪತ್ನಿ ಕ್ಯಾಮಿಲ್ಲಾಗೆ ಕೊರೊನಾ ಸೋಂಕು ದೃಢಪಟ್ಟಿದ್ದು, ಇದು ಎರಡನೇ ಬಾರಿಗೆ ಕ್ಯಾಮಿಲ್ಲಾಗೆ ಸೋಂಕು ಹರಡಿದೆ ಎಂದು ಬಕಿಂಗ್‌ಹ್ಯಾಮ್‌ ಅರಮನೆಯ ಅಧಿಕಾರಿಗಳು ತಿಳಿಸಿದ್ದಾರೆ.

75 ವರ್ಷದ ಕ್ಯಾಮಿಲ್ಲಾ ಕೆಲದಿನಗಳಿಂದ ವಯೋಸಹಜ ಅನಾರೋಗ್ಯದಿಂದ ಬಳಲುತ್ತಿದ್ದರು. ಈ ನಡುವೆ ಅವರಿಗೆ ಶೀತದ ಗುಣಲಕ್ಷಣಗಳು ಕಾಣಿಸಿಕೊಂಡಿದ್ದು, ಬಳಿಕ ಕೊರೊನಾ ಪರೀಕ್ಷೆಗೆ ಒಳಪಟ್ಟರು. ಬಳಿಕ ಸೋಂಕು ಹರಡಿರುವುದು ದೃಢಪಟ್ಟಿದೆ.

ಕಳೆದ ವರ್ಷ ಫೆಬ್ರವರಿಯಲ್ಲೂ ಕ್ಯಾಮಿಲ್ಲಾಗೆ ಸೋಂಕು ದೃಢಪಟ್ಟಿತ್ತು.