ಸಿರಿಯಾದಿಂದ ರಶ್ಯ ಸೇನೆಯ ಆಂಶಿಕ ವಾಪಸಾತಿಗೆ ಪುಟಿನ್‌ ಆದೇಶ

ಮಾಸ್ಕೋ : ಸಮರ-ತ್ರಸ್ತ ಸಿರಿಯಾಗೆ ಅಚ್ಚರಿಯ ಭೇಟಿ ನೀಡಿರುವ ಅಧ್ಯಕ್ಷ ವ್ಲಾದಿಮಿರ್‌ ಪುಟಿನ್‌ ಅವರು ಇಂದು ಸೋಮವಾರ ಸಿರಿಯಾದಿಂದ ಗಮನಾರ್ಹ ಪ್ರಮಾಣದ ರಶ್ಯ ಸೇನೆಯ ಆಂಶಿಕ ವಾಪಸಾತಿಯನ್ನು ಆದೇಶಿಸಿದರು.

ಸಿರಿಯಾ ಸಮರದಲ್ಲಿ ರಶ್ಯ 2015ರಲ್ಲಿ ಮೊದಲ ಬಾರಿಗೆ ಮಧ್ಯ ಪ್ರವೇಶ ಮಾಡಿತ್ತು. ತನ್ನ ಮಿತ್ರನಾದ ಡಮಾಸ್ಕಸ್‌ ಪರವಾಗಿ ವಾಯು ದಾಳಿ ಆರಂಭಿಸಿದ್ದ ರಶ್ಯ, ಸಿರಿಯಾ ಸರಕಾರದ ವಿರುದ್ಧ ಹೋರಾಡುತ್ತಿದ್ದ ಬಂಡುಕೋರರನ್ನು, ಐಸಿಸ್‌ ಉಗ್ರರನ್ನು ಮತ್ತು ಇತರ ಜಿಹಾದಿಗಳನ್ನು ಗುರಿ ಇರಿಸಿ ಬಾಂಬಿಂಗ್‌ ನಡೆಸಿತ್ತು. 

ಸಿರಿಯಾದಿಂದ ರವ್ಯದ ಮಿಮೀನ್‌ ವಾಯು ನೆಲೆಯನ್ನು ತಲುಪಿದೊಡನೆಯೇ ಪುಟಿನ್‌ ಅವರು ಟವಿ ಪ್ರಸಾರಿತ ಭಾಷಣದಲ್ಲಿ “ನಾನೊಂದು ನಿರ್ಧಾರ ತೆಗೆದುಕೊಂಡಿದ್ದೇನೆ. ರಶ್ಯ ಸಮೂಹದ ಗಮನಾರ್ಹ ಪ್ರಮಾಣದ ಸೈನಿಕರು ಈಗಿಂದೀಗಲೇ ಸಿರಿಯಾದಿಂದ ತಮ್ಮ ಶಾಶ್ವತ ನೆಲೆಗಳಿಗೆ ಮರಳಲು ಆರಂಭಿಸಬೇಕು ಎಂಬ ಆದೇಶವನ್ನು ನಾನು ಈ ಮೂಲಕ ರಕ್ಷಣಾ ಸಚಿವರು ಮತ್ತು ಸೇನಾ ಮುಖ್ಯಸ್ಥರಿಗೆ ನೀಡುತ್ತಿದ್ದೇನೆ’ ಎಂದು ಹೇಳಿದರು.