ಹೈದರಾಬಾದ್: ಸ್ಟೈಲಿಸ್ಟ್ ಸ್ಟಾರ್ ಅಲ್ಲು ಅರ್ಜುನ್ (Allu Arjun) ಅವರ ಬಹು ನಿರೀಕ್ಷಿತ ಪ್ಯಾನ್‌ ಇಂಡಿಯಾ ʼಪುಷ್ಪ-2 ದಿ ರೂಲ್ʼ (Pushpa 2 The Rule) ಚಿತ್ರ ಮುಂದಿನ ತಿಂಗಳು ರಿಲೀಸ್‌ ಆಗಲಿದೆ.
ಚಿತ್ರತಂಡ ಟ್ರೇಲರ್ ರಿಲೀಸ್‌ ಡೇಟ್‌ ಇತ್ತೀಚೆಗೆ ರಿವೀಲ್‌ ಮಾಡಿದ ಬಳಿಕ ಪ್ರೇಕ್ಷಕರ ಕುತೂಹಲ ಹೆಚ್ಚಾಗಿದೆ. ನ.17ರಂದು ಸಂಜೆ ಟ್ರೇಲರ್ ರಿಲೀಸ್‌ ಆಗಲಿದೆ. ಪ್ಯಾನ್‌ ಇಂಡಿಯಾ ಭಾಷೆಯಲ್ಲಿ ರಿಲೀಸ್‌ ಆಗಲಿರುವ ʼಪುಷ್ಪ-2ʼ ಸಿನಿಮಾದ ಡಬ್ಬಿಂಗ್‌ ಆರಂಭಗೊಂಡಿದೆ.
ಬಹುಭಾಷಾ ನಟಿ ರಶ್ಮಿಕಾ ಮಂದಣ್ಣ (Rashmika Mandanna) ತಮ್ಮ ಶ್ರೀವಲ್ಲಿ ಪಾತ್ರಕ್ಕೆ ಧ್ವನಿ ನೀಡಿದ್ದಾರೆ. ಸ್ಟುಡಿಯೋದಲ್ಲಿ ವಾಯ್ಸ್‌ ಡಬ್‌ ಮಾಡುವ ಫೋಟೋವನ್ನು ಹಂಚಿಕೊಳ್ಳುವುದರ ಜತೆ ಅವರು ಸಿನಿಮಾದ ಬಗ್ಗೆ ತಮ್ಮ ಎಕ್ಸೈಟ್‌ ಮೆಂಟ್‌ ಹಂಚಿಕೊಂಡಿದ್ದಾರೆ.
ʼಪುಷ್ಪʼ ಸಿನಿಮಾದ ಚಿತ್ರೀಕರಣ ಬಹುತೇಕ ಮುಗಿದಿದೆ. ಮೊದಲ ಹಾಫ್‌ನ ವಾಯ್ಸ್‌ ಡಬ್ಬಿಂಗ್‌ ಮುಗಿದಿದೆ. ನಾನು ದ್ವಿತೀಯಾರ್ಧಕ್ಕೆ ವಾಯ್ಸ್‌ ಡಬ್‌ ಮಾಡುತ್ತಿದ್ದೇನೆ. ಓ ಮೈ ಗಾಡ್ ಮೊದಲಾರ್ಧ ಅಮೇಜಿಂಗ್‌ ಆಗಿದೆ. ಸೆಕೆಂಡ್‌ ಹಾಫ್‌ ಇನ್ನು ಅದ್ಭುತವಾಗಿದೆ. ಇದನ್ನು ನೋಡಿ ನನಗೆ ವರ್ಣಿಸಲು ಶಬ್ಧಗಳೇ ಬರುತ್ತಿಲ್ಲ. ನಾನು ಎಕ್ಸೈಟ್‌ ಆಗಿದ್ದೇನೆ ಎಂದು ರಶ್ಮಿಕಾ ಬರೆದುಕೊಂಡಿದ್ದಾರೆ.
ಹಾಡು, ಟೀಸರ್‌ ಗಳಿಂದ ಸಖತ್‌ ಕ್ರೇಜ್‌ ಹುಟ್ಟಿಸಿರುವ ಸುಕುಮಾರ್‌ ಅವರ ʼಪುಷ್ಪ-2ʼ ಇದೇ ಡಿ.5 ರಂದು ವರ್ಲ್ಡ್‌ ವೈಡ್‌ ತೆರೆ ಕಾಣಲಿದೆ.
ಅಲ್ಲು ಅರ್ಜುನ್, ರಶ್ಮಿಕಾ ಮಂದಣ್ಣ, ಫಾಹದ್‌ ಫಾಸಿಲ್‌, ಸುನೀಲ್‌, ಜಗದೀಶ್ ಪ್ರತಾಪ್ ಭಂಡಾರಿ, ಜಗಪತಿ ಬಾಬು ಮತ್ತು ಪ್ರಕಾಶ್ ರಾಜ್ ಮುಂತಾದವರು ನಟಿಸಿದ್ದಾರೆ.
