ತಿಂಡಿ ತಡವಾಗಿದ್ದಕ್ಕೆ ಮಾವನಿಂದಲೇ ಸೊಸೆಗೆ ಗುಂಡೇಟು

ಫ‌ರೀದ್‌ಕೋಟ್‌: ಸೊಸೆ ತಣ್ಣಗಾಗಿದ್ದ ಉಪಾಹಾರ ನೀಡಿದಳೆಂದು ಮಾವ ಆಕೆಯನ್ನು ಗುಂಡಿಕ್ಕಿ ಕೊಂದ ಘಟನೆ ಪಂಜಾಬ್‌ನಲ್ಲಿ ನಡೆದಿದೆ. ಮಹಿಳೆ ನೀಲಂ ಕುಮಾರಿ ಬೆಳಗ್ಗೆ ಮನೆಗೆಲಸದಲ್ಲಿ ನಿರತವಾಗಿದ್ದರಿಂದ ಉಪಾಹಾರ ನೀಡುವುದು ತಡವಾಗಿದೆ, ಇದರಿಂದ ಕುಪಿತರಾಗಿ ಆಕೆಯ ಮಾವ ಶಾಮ್‌ ಲಾಲ್‌ ತಮ್ಮ 12-ಬೋರ್‌ ರಿವಾಲ್ವರ್‌ನಿಂದ ಗುಂಡು ಹಾರಿಸಿದ್ದಾರೆ.

ಸೊಸೆ ನೀಲಂ ಸ್ಥಳದಲ್ಲೇ ಸಾವಿಗೀಡಾಗಿದ್ದಾರೆ. ಶಾಮ್‌ ಲಾಲ್‌ ಅವರು ವಾಯುಪಡೆಯ ಮಾಜಿ ಸಿಬ್ಬಂದಿಯಾಗಿದ್ದು, ಘಟನೆ ಬಳಿಕ ಅವರು ತಲೆಮರೆಸಿಕೊಂಡಿದ್ದಾರೆ.