ಭಾರತೀಯ ಮುಸ್ಲಿಮರನ್ನು ಪಾಕಿಸ್ಥಾನೀಯ ಎನ್ನುವವರಿಗೆ ಜೈಲು: Owaisi

ಹೈದರಾಬಾದ್‌ : ಭಾರತೀಯ ಮುಸ್ಲಿಮರನ್ನು ಪಾಕಿಸ್ಥಾನೀ ಎಂದು ಯಾರಾದರೂ ಕರೆದರೆ ಅವರನ್ನು ಜೈಲಿಗೆ ಹಾಕಬೇಕು ಎಂದು ಎಐಎಂಐಎಂ ನಾಯಕ ಅಸಾದುದ್ದೀನ್‌ ಓವೈಸಿ ಹೇಳಿದ್ದಾರೆ. 

ಭಾರತೀಯ ಮುಸ್ಲಿಮರನ್ನು ಪಾಕಿಸ್ಥಾನಿಯ ಎಂದು ಕರೆಯುವವರನ್ನು ಶಿಕ್ಷಿಸುವ ಕಾನೂನನ್ನು ಸರಕಾರ ಜಾರಿಗೆ ತರಬೇಕು ಮತ್ತು ಅಂಥವರಿಗೆ ಮೂರು ವರ್ಷ ಜೈಲು ವಿಧಿಸಬೇಕು ಎಂದು ಓವೈಸಿ ಸಲಹೆ ನೀಡಿದರು. 

ಪಾಕ್‌ ಸ್ಥಾಪಕ ಮೊಹಮ್ಮದ್‌ ಅಲಿ ಜಿನ್ನಾ ಅವರ ದ್ವಿರಾಷ್ಟ್ರ  ನೀತಿಯನ್ನು ಭಾರತೀಯ ಮುಸ್ಲಿಮರು ತಿರಸ್ಕರಿಸಿದ್ದಾರೆ ಎಂದು ಓವೈಸಿ ಹೇಳಿದರು. 

ರಾಷ್ಟ್ರಪತಿ ರಾಮ ನಾಥ್‌ ಕೋವಿಂದ್‌ ಅವರು ಸದನವನ್ನುದ್ದೇಶಿಸಿ ಮಾಡಿದ ಭಾಷಣದ ವಂದನಾ ನಿರ್ಣಯದ ವೇಳೆ ಓವೈಸಿ ಮಾತನಾಡುತ್ತಿದ್ದರು.