ಪುನೀತ್‌-ಸುದೀಪ್‌ ಸೆಟ್‌ ವಿಸಿಟ್‌

ಸ್ಟಾರ್‌ ನಟರ ಅಭಿಮಾನಿಗಳು ಆಗಾಗ ಸೋಶಿಯಲ್‌ ಮೀಡಿಯಾಗಳಲ್ಲಿ ಜಗಳವಾಡುತ್ತಿರುತ್ತಾರೆ. ಜಗಳದ ಜೊತೆಗೆ ಕೆಲವು ವಿಚಾರಗಳನ್ನು ಸಂಭ್ರಮಿಸುತ್ತಾರೆ ಕೂಡಾ. ಅದರಲ್ಲೂ ಇಬ್ಬರು ಸ್ಟಾರ್‌ ನಟರು ಪರಸ್ಪರ ಭೇಟಿಯಾದರೆ, ಒಬ್ಬರನ್ನೊಬ್ಬರು ಹೊಗಳಿಕೊಂಡರೆ, ಏನಾದರೂ ಕಾಮೆಂಟ್‌ ಮಾಡಿದರೆ ನಟರ ಅಭಿಮಾನಿಗಳು ಖುಷಿಯಾಗುತ್ತಾರೆ ಮತ್ತು ಅದನ್ನು ಸೋಶಿಯಲ್‌ ಮೀಡಿಯಾಗಳಲ್ಲಿ ಹಂಚಿಕೊಳ್ಳುತ್ತಾರೆ ಕೂಡಾ.

ಈಗ ಇಬ್ಬರು ಸ್ಟಾರ್‌ ನಟರ ಅಭಿಮಾನಿಗಳು ಖುಷಿಯಾಗಿದ್ದಾರೆ. ಅದು ಸುದೀಪ್‌ ಹಾಗೂ ಪುನೀತ್‌ರಾಜಕುಮಾರ್‌ ಅವರ ಅಭಿಮಾನಿಗಳು. ಇತ್ತೀಚೆಗೆ ಪುನೀತ್‌ ಅವರು “ದಿ ವಿಲನ್‌’ ಚಿತ್ರದ ಸೆಟ್‌ಗೆ ಭೇಟಿ ನೀಡಿದ್ದರು. ಈ ವೇಳೆ ಪ್ರೇಮ್‌, ನಟ ಶ್ರೀಕಾಂತ್‌ ಹಾಗೂ ಸುದೀಪ್‌ ಅವರ ಜೊತೆ ಕೆಲ ಹೊತ್ತು ಕಳೆದಿದ್ದರು ಕೂಡಾ. ಅದಾದ ಕೆಲವೇ ದಿನಗಳಲ್ಲಿ ಸುದೀಪ್‌, ಪುನೀತ್‌ರಾಜಕುಮಾರ್‌ ನಟಿಸುತ್ತಿರುವ “ಅಂಜನಿ ಪುತ್ರ’ ಸೆಟ್‌ಗೆ ಭೇಟಿ ಕೊಟ್ಟಿದ್ದರು.

ಈಗ ಈ ಇಬ್ಬರು ನಟರು ಪರಸ್ಪರ ಸೆಟ್‌ಗೆ ಭೇಟಿ ಕೊಟ್ಟಿರುವ ಫೋಟೋ ವೈರಲ್‌ ಆಗಿದೆ. ಇಬ್ಬರು ನಟರ ಅಭಿಮಾನಿಗಳು ಈ ಭೇಟಿಯಿಂದ ಖುಷಿಯಾಗಿದ್ದು, ಫೋಟೋಗಳನ್ನು ಶೇರ್‌ ಮಾಡಿಕೊಳ್ಳುತ್ತಿದ್ದಾರೆ. ಈ ತರಹದ ಭೇಟಿ ಮೊದಲೇನಲ್ಲ. ಈ ಹಿಂದೆ ಮೈಸೂರಿನಲ್ಲಿ “ರಾಜ್‌ಕುಮಾರ’ ಸಿನಿಮಾ ಚಿತ್ರೀಕರಣ ವೇಳೆ ಸುದೀಪ್‌ ಸೆಟ್‌ಗೆ ಭೇಟಿ ಕೊಟ್ಟಿದ್ದರು. ಈಗ ಮತ್ತೂಮ್ಮೆ ಭೇಟಿಯಾಗಿದ್ದಾರೆ. ಅಲ್ಲಿನ ಫೊಟೋಗಳು ಇಲ್ಲಿವೆ …