ಮೃತ ಪುತ್ರನಿಂದ ಮೊಮ್ಮಕ್ಕಳ ಸೃಷ್ಟಿ!

ಪುಣೆ: ತಾಯಂದಿರಿಗೆ ಪುತ್ರನ ಮೇಲಿನ ವ್ಯಾಮೋಹ ಅದೆಷ್ಟಿದ್ದೀತು ಎಂಬುದಕ್ಕೆ ಪುಣೆಯಲ್ಲೊಂದು ವಿಶಿಷ್ಟ ಕಥೆಯಿದೆ. ಕ್ಯಾನ್ಸರ್‌ನಿಂದ ಬಳಲಿ ಸಾವನ್ನಪ್ಪಿದ 27 ವರ್ಷದ ಅವಿವಾಹಿತ ಪುತ್ರನನ್ನು ಈಗ ಮೊಮ್ಮಕ್ಕಳ ಪ್ರತಿರೂಪದಲ್ಲಿ ಕಾಣುತ್ತಿದ್ದಾರೆ. 

ಇದು ಸಾಧ್ಯವಾಗಿದ್ದು, ಆಧುನಿಕ ತಂತ್ರಜ್ಞಾನದಿಂದ. ಜರ್ಮನಿಯಲ್ಲಿ ಎಂಜಿನಿಯರಿಂಗ್‌ ವ್ಯಾಸಂಗ ಮಾಡುತ್ತಿದ್ದಾಗ ಮಿದುಳು ಕ್ಯಾನ್ಸರ್‌ಗೆ ಪ್ರಥಮೇಶ್‌ ತುತ್ತಾಗಿದ್ದರಿಂದ, ಅವರ ವೀರ್ಯವನ್ನು ಸಂಗ್ರಹಿಸುವಂತೆ ವೈದ್ಯರು ಸೂಚಿಸಿದ್ದರು. 2016ರಲ್ಲಿ ಪ್ರಥಮೇಶ್‌ ಸಾವನ್ನಪ್ಪಿದ್ದರು. ಈಗ ಇದನ್ನೇ ಬಳಸಿ ಬಾಡಿಗೆ ತಾಯಿಯ ಮೂಲಕ ಈ ಕುಟುಂಬ ಅವಳಿ ಮೊಮ್ಮಕ್ಕಳನ್ನು ಪಡೆದಿದೆ. ಬಾಡಿಗೆ ತಾಯಿಯಾಗಲು ಸಂಬಂಧಿಕರೇ ಮುಂದೆ ಬಂದಿದ್ದು ಕೂಡ ಮೆಚ್ಚುಗೆಯ ಸಂಗತಿ ಎಂದು ಪ್ರಥಮೇಶ್‌ ತಾಯಿ ಹೇಳಿದ್ದಾರೆ.