ಪುಣೆ ಪಲ್ಟಿ ಹೊಡೆಸಿದ ಗುಜರಾತ್‌ ;7 ವಿಕೆಟ್‌ನಿಂದ ಭರ್ಜರಿ ಜಯ

ರಾಜ್‌ಕೋಟ್‌: ಆ್ಯಂಡ್ರೂé ಟೈ ಹಾಕಿದ ಹ್ಯಾಟ್ರಿಕ್‌ ವಿಕೆಟ್‌, ಬ್ಯಾಟ್ಸ್‌ಮನ್‌ಗಳ ಸಮಯೋಚಿತ ಆಟದ ನೆರವಿನಿಂದ ಗುಜರಾತ್‌ ಲಯನ್ಸ್‌ ತಂಡ ಐಪಿಎಲ್‌ 10ನೇ ಆವೃತ್ತಿಯಲ್ಲಿ ರೈಸಿಂಗ್‌ ಪುಣೆ ಸೂಪರ್‌ಜೈಂಟ್‌ ವಿರುದ್ಧ 7 ವಿಕೆಟ್‌ ಜಯಸಾಧಿಸಿದೆ.

ಮೊದಲು ಬ್ಯಾಟಿಂಗ್‌ ಮಾಡಿದ್ದ ಪುಣೆ 8 ವಿಕೆಟ್‌ಗೆ 171 ರನ್‌ ಬಾರಿಸಿತ್ತು. ಗುರಿ ಬೆನ್ನುಹತ್ತಿದ ಗುಜರಾತ್‌ ಲಯನ್ಸ್‌ 18 ಓವರ್‌ಗೆ 3 ವಿಕೆಟ್‌ ಕಳೆದುಕೊಂಡು 172 ರನ್‌ ಬಾರಿಸಿ ಗೆಲುವು ಸಾಧಿಸಿತು.

ಆರಂಭಿಕರಾಗಿ ಬಂದ ಡ್ವೇನ್‌ ಸ್ಮಿತ್‌ ಮತ್ತು ಬ್ರೆಂಡನ್‌ ಮೆಕಲಂ ಮೊದಲ ವಿಕೆಟ್‌ಗೆ 8.5 ಓವರ್‌ಗೆ 94 ರನ್‌ ಜತೆಯಾಟ ಆಡಿ ಭದ್ರ ಬುನಾದಿ ಹಾಕಿದರು. 47 ರನ್‌ ಬಾರಿಸಿದ ಸ್ಮಿತ್‌ ಇಮ್ರಾನ್‌ ತಾಹಿರ್‌ ಬೌಲಿಂಗ್‌ನಲ್ಲಿ ಔಟ್‌ ಆದರು. 30 ಎಸೆತ ಎದುರಿಸಿದ ಸ್ಮಿತ್‌ 8 ಬೌಂಡರಿ, 1 ಸಿಕ್ಸರ್‌ ಚಚ್ಚಿದರು. ಮೆಕಲಂ 32 ಎಸೆತದಲ್ಲಿ 5 ಬೌಂಡರಿ, 3 ಸಿಕ್ಸರ್‌ ಸೇರಿದಂತೆ 49 ರನ್‌ ಬಾರಿಸಿ ಪೆವಿಲಿಯನ್‌ ಸೇರಿದರು. ಅಂತಿಮವಾಗಿ ಸುರೇಶ್‌ ರೈನಾ (35), ಆರನ್‌  ಫಿಂಚ್‌  (33) ಗೆಲುವು ತಂದರು.

ಹ್ಯಾಟ್ರಿಕ್‌ವೀರ ಟೈಗೆ 5 ವಿಕೆಟ್‌: ಇದಕ್ಕೂ ಮುನ್ನ ಬ್ಯಾಟಿಂಗ್‌ ಮಾಡಿದ ರೈಸಿಂಗ್‌ ಪುಣೆ ಸೂಪರ್‌ಜೈಂಟ್‌ ತಂಡ ಆ್ಯಂಡ್ರೂé ಟೈ ಹ್ಯಾಟ್ರಿಕ್‌ ಸಾಧನೆಯ ಹೊರತಾಗಿಯೂ ಗುಜರಾತ್‌ ಲಯನ್ಸ್‌ ವಿರುದ್ಧ 8 ವಿಕೆಟಿಗೆ 171 ರನ್‌ ಸೇರಿಸಲು ಯಶಸ್ವಿಯಾಗಿತು.

ರನ್‌ ಖಾತೆ ತೆರೆಯುವ ಮೊದಲೇ ಅಜಿಂಕ್ಯ ರಹಾನೆ ಅವರನ್ನು ಕಳೆದುಕೊಂಡ ಪುಣೆಗೆ ರಾಹುಲ್‌ ತ್ರಿಪಾಠಿ, ಸ್ಟೀವನ್‌ ಸ್ಮಿತ್‌, ಬೆನ್‌ ಸ್ಟೋಕ್ಸ್‌ ಮತ್ತು ಮನೋಜ್‌ ತಿವಾರಿ ಆಧರಿಸಿದರು. ಇದರಿಂದಾಗಿ ಪುಣೆ ಉತ್ತಮ ಮೊತ್ತ ಪೇರಿಸಿತು. ತ್ರಿಪಾಠಿ 17 ಎಸೆತಗಳಿಂದ 33 ರನ್‌ ಗಳಿಸಿದರೆ, ಸ್ಮಿತ್‌ 43 ರನ್‌ ಹೊಡೆದರು. ಅಂತಿಮ ಓವರ್‌ನಲ್ಲಿ ಪುಣೆ ಸತತ 3 ಎಸೆತಗಳಲ್ಲಿ 3ವಿಕೆಟ್‌ ಕಳೆದುಕೊಂಡ ಕಾರಣ ರನ್‌ವೇಗಕ್ಕೆ ಕಡಿವಾಣ ಬಿತ್ತು. ಆ್ಯಂಡ್ರೂé ಟೈ ಅಂತಿಮ ಓವರಿನ ಮೊದಲ 3ಎಸೆತಗಳಲ್ಲಿ ಅನುಕ್ರಮವಾಗಿ ಅಂಕಿತ್‌ ಶರ್ಮ, ಮನೋಜ್‌ ತಿವಾರಿ ಮತ್ತು ಶಾದೂìಲ್‌ ಠಾಕೂರ್‌ ವಿಕೆಟನ್ನು ಹಾರಿಸಿ ಹ್ಯಾಟ್ರಿಕ್‌ ಸಾಧಿಸಿದರು. ಅವರು ತನ್ನ 4 ಓವರ್‌ ದಾಳಿಯಲ್ಲಿ 17 ರನ್‌ಗೆ 5 ವಿಕೆಟ್‌ ಕಿತ್ತು ಗಮನ ಸೆಳೆದರು.

ಪಂದ್ಯದ ತಿರುವು
ಮೆಕಲಂ ವೈಯಕ್ತಿಕ 13 ರನ್‌ಗಳಿಸಿದ್ದಾಗ ಠಾಕೂರ್‌ ಎಸೆತದಲ್ಲಿ ರಿಟರ್ನ್ ಕ್ಯಾಚ್‌ ನೀಡಿದ್ದರು. ಇದನ್ನು ಠಾಕೂರ್‌ ಕೈಚೆಲ್ಲಿದರು. ಆಗ ಓವರ್‌ 2.5 ಆಗಿತ್ತು.
ಇದು ಗುಜರಾತ್‌ ಪಾಲಿಗೆ ವರದಾನವಾಯಿತು. 

ರೈಸಿಂಗ್‌ ಪುಣೆ ಸೂಪರ್‌ಜೈಂಟ್‌
ಅಜಿಂಕ್ಯ ರಹಾನೆ    ಸಿ ರೈನಾ ಬಿ ಕುಮಾರ್‌    0
ರಾಹುಲ್‌ ತ್ರಿಪಾಠಿ    ಸಿ ಫಿಂಚ್‌ ಬಿ ಟೈ    33
ಸ್ಟೀವನ್‌ ಸ್ಮಿತ್‌    ಸಿ ಫಿಂಚ್‌ ಬಿ ಸ್ಮಿತ್‌    43
ಬೆನ್‌ ಸ್ಟೋಕ್ಸ್‌    ಬಿ ಟೈ    25
ಮನೋಜ್‌ ತಿವಾರಿ    ಸಿ ಇಶಾನ್‌ ಬಿ ಟೈ    31
ಎಂಎಸ್‌ ಧೋನಿ    ಎಲ್‌ಬಿಡಬ್ಲ್ಯು ಬಿ ಜಡೇಜ    5
ಅಂಕಿತ್‌ ಶರ್ಮ    ಸಿ ಮೆಕಲಮ್‌ ಬಿ ಟೈ    25
ಶಾದೂìಲ್‌ ಠಾಕುರ್‌    ಬಿ ಟೈ    0
ಲಾಕೀ ಫೆರ್ಗ್ಯುಸನ್‌    ಔಟಾಗದೆ    1
ರಾಹುಲ್‌ ಚಾಹರ್‌    ಔಟಾಗದೆ    3
ಇತರ:        5
ಒಟ್ಟು (20 ಓವರ್‌ಗಳಲ್ಲಿ 8 ವಿಕೆಟಿಗೆ)    171
ವಿಕೆಟ್‌ ಪತನ: 1-0, 2-64, 3-89, 4-106, 5-120, 6-167, 7-167, 8-167
ಬೌಲಿಂಗ್‌:
ಪ್ರವೀಣ್‌ ಕುಮಾರ್‌        4-0-51-1
ಬಾಸಿಲ್‌ ಥಂಪಿ        3-0-21-0
ಶಾದಾಬ್‌ ಜಕಾತಿ        2-0-22-0
ಆ್ಯಂಡ್ರೂé ಟೈ        4-0-17-5
ರವೀಂದ್ರ ಜಡೇಜ        4-0-40-1
ಡ್ವೇನ್‌ ಸ್ಮಿತ್‌        2-0-10-1
ಸುರೇಶ್‌ ರೈನಾ        1-0-9-0

ಗುಜರಾತ್‌ ಲಯನ್ಸ್‌
ಡ್ವೇನ್‌ ಸ್ಮಿತ್‌    ಸಿ ಚಾಹರ್‌ ಬಿ ಥಾಕುರ್‌    47
ಬಿ. ಮೆಕಲಮ್‌    ಸ್ಟಂಪ್ಡ್ ಧೋನಿ ಬಿ ಚಾಹರ್‌    49
ಸುರೇಶ್‌ ರೈನಾ    ಔಟಾಗದೆ    35
ದಿನೇಶ್‌ ಕಾರ್ತಿಕ್‌    ಬಿ ಇಮ್ರಾನ್‌ ತಾಹಿರ್‌    3
ಆರನ್‌ ಫಿಂಚ್‌    ಔಟಾಗದೆ    33
ಇತರ:        5
ಒಟ್ಟು (18 ಓವರ್‌ಗಳಲ್ಲಿ 3 ವಿಕೆಟಿಗೆ)    172
ವಿಕೆಟ್‌ ಪತನ: 1-04, 2-102, 3-111
ಬೌಲಿಂಗ್‌:
ಅಂಕಿತ್‌ ಶರ್ಮ        1-0-16-0
ಲಾಕೀ ಫೆರ್ಗ್ಯುಸನ್‌        4-0-44-0
ಶಾದೂìಲ್‌ ಠಾಕುರ್‌        3-0-14-1
ಬೆನ್‌ ಸ್ಟೋಕ್ಸ್‌        3-0-18-0
ಇಮ್ರಾನ್‌ ತಾಹಿರ್‌        4-0-53-1
ರಾಹುಲ್‌ ಚಾಹರ್‌        3-0-26-1

ಪಂದ್ಯಶ್ರೇಷ್ಠ: ಆ್ಯಂಡ್ರೂé ಟೈ